نوێترین زانیاریی لەسەر درێژکردنەوەی ئەکتیڤبوونی سیستەمەکانی وەرگرتن(زانکۆڵاین)بزانە

نوێترین زانیاریی لەسەر درێژکردنەوەی ئەکتیڤبوونی سیستەمەکانی وەرگرتن(زانکۆڵاین)بزانە
فۆڕمی داخوازی نامەی زانکۆڵاین تەنھا 2 ڕۆژ ماوە بەسەر کۆتایی ھاتنی، تا ئێستــــــا ھیچ شتێک لە ئارا دا نیە بۆ درێژکردنەوەی ماوەی زانکۆڵاین؟
د.ئارام قەنبەر بەڕێوەبەری ناوەندی وەرگرتن لە وەزارەتی خوێندنی باڵا و توێژینەوەی زانستی، لە سیمیناری وەزارەتی خوێندنی باڵا لە ھۆڵی مامۆستـا سەعد عبداڵلە ڕای گەیاند کە تاوەکو ئێستــــــا ئەوان بە نیازی درێژکردنەوەی کردنەوەی ماوەی ئەکتیڤبوونی سیستەمەکانی وەرگرتن (زانکۆڵاین)نین، سیستەمی زانکۆڵاین زۆر بەبێ کێشە کار دەکات و بڕیار نەدراوە بۆ درێژکرنەوەی ماوەکەی.
د. ئارام قەنبەر ئەوەشی ڕاگەیاندن ئەگەر %80ـی قوتـــــــابیان داخوازینامەکانیان پێشکەشکردبێت، ئەوا ماوەی زانکۆڵاین درێژ ناکرێتەوە و لەڕێکەوتی دیاری کراوی خۆی دادەخرێت ئەویش 14/9ـیە، بەڵام ئەگەر بێت و کەمتر لە %80قوتـــــــابیان فۆڕمەکانیان پڕکردبێتەوە، ئەوا مــــــــــاوەی زانکۆڵاین درێژ دەکرێتەوە بۆ دوو ڕۆژی تر کە ئەمەش زیاتر قوتـــــــابیانی خوولی دووەم سودی لێ دەبینن.