پەروەردە بڕیارێكی نوێ لەبارەی تاقیكردنەوەكانەوە دەدات
پەروەردە بڕیارێكی نوێ لەبارەی تاقیكردنەوەكانەوە دەدات
پەروەدەكانی سلێمانی و گەرمیان داوای درێژكردنەوەی دەوام و دواخستنی تاقیكردنەوەی پۆلە ناكۆتاكان دەكەن، بەڕێوەبەری گشتی ئەزموونەكان لەوەزارەتی پەروەردەش رایدەگەیەنێت: لەم هەفتەیەدا ئەو بابەتە یەكلایی دەكرێتەوەو رەنگە دەسەڵات بدرێت بەپەروەردەكان بۆئەوەی خۆیان چارەسەری بكەن.
بەگوێرەی بڕیاری وەزارەتی پەروەردە، تاقیكردنەوەی كۆتایی پۆلە ناكۆتاكان، لەڕۆژی 28ی 4ەوە دەستپێدەكات و 8ی 5 كۆتایی دێت، پەروەدەكانی سلێمانی و گەرمیانیش داوای دواخستنیان كردووە، بۆئەوەی بتوانن پڕۆگرامەكانیان تەواو بكەن.
كەریم لەتیف، بەڕێوەبەری گشتی ئەزموونەكان لەوەزارەتی پەروەردەی حكومەتی هەرێم، بە SNNی راگەیاند: تاقیكردنەوەی پۆلە ناكۆتاكان گشتی نییە، هەر پەوەردەیەك و بەگوێرەی هەلومەرجی خۆی، دەتوانێت رۆژەكەی دیاری بكات، بۆیە رەنگە دەسەڵات بدەین بە پەروەردەكانی سلێمانی و هەڵەبجەو گەرمیان بۆئەوەی خۆیان چارەسەرێكی ئەو بابەتە بكەن، تاوەكو پڕۆگرامەكانیان تەواو بكەن.
وتیشی: “لەئێستادا دیراسەی ئەو بابەتە دەكەین، رەنگە لەم هەفتەیەدا یەكلایی بكەینەوە، هەركاتێك بڕیاری لەسەردرا، ئەوكاتە هەموولایەك ئاگادار دەكەینەوە”.
نووسراوه لهلایهن
Raw Raw
ليست هناك تعليقات: