یه‌كێتی مامۆستایان بۆ ده‌وامی سبه‌ینێی هاته‌ده‌نگ..”موچه ده‌درێت”
یه‌كێتی مامۆستایان بۆ ده‌وامی سبه‌ینێی هاته‌ده‌نگ..”موچه ده‌درێت”
یه‌كێتیی مامۆستایانی كوردستان په‌یامێك ئاڕاسته‌ی مامۆستایانی هه‌رێم ده‌كات له‌باره‌ی ده‌وامی سبه‌ینێ و جێگری سه‌رۆكی یه‌كێتیه‌كه‌ش روونكردنه‌وه ده‌رباره‌ی موچه‌ی بێ پاشه‌كه‌وتی مامۆستایان ده‌دات و رایده‌گه‌یه‌نێت”به‌دڵنیاییه‌وه موچه‌كه‌ی حكومه‌تی عیراق ده‌درێت”، دانوستانێكی نێوان هه‌رێم و به‌غداش ئاشكراده‌كات.
ئه‌حمه‌د گه‌رمیانی سه‌رۆكی یه‌كێتیی مامۆستایانی كوردستان رایگه‌یاند: له‌پێناو ناردنی موچه‌ی فه‌رمانبه‌ران و مامۆستایانی هه‌رێم، حكومه‌تی هه‌رێم ئاسانكاری زۆری بۆ حكومه‌تی عیراق كرده‌وه له‌پرسه‌كانی فڕۆكه‌خانه‌و سنووره‌كاندا، له‌دوا سه‌ردانی وه‌فدی باڵای حكومه‌تی هه‌رێمیش بۆ به‌غدا و دواتر ئێران، نیشانه‌ی ئه‌وه دیاره كه هه‌ردوو حكومه‌ت دانوستانیان كردوه كه موچه له‌به‌رامبه‌ر ئه‌و ئاسانكارییانه خه‌رجبكرێت.
سه‌باره‌ت به‌كاری لیژنه‌ی وردبینیكردن له لیستی موچه‌خۆرانی وه‌زاره‌ته‌كانی په‌روه‌رده و ته‌ندروستی، ئه‌و به‌رپرسه‌ی یه‌كێتیی مامۆستایان وتی”هیچ پێشێلكارییه‌ك له‌و دوو وه‌زاره‌ته‌دا نییه، به‌ڵكو چه‌ند كارێكی ته‌كنیكی ماوه وه‌ك جیاوازی ناونیشانی وه‌زیفی له‌نێوان هه‌رێم و به‌غدا، بۆیه له‌دوای یه‌كلاییكردنه‌وه‌یان موچه ده‌درێت”.
گه‌رمیانی، مامۆستایان دڵنیاده‌كاته‌وه كه هیچ مامۆستایه‌ك له‌ژێر هیچ ناوێك له لیستی موچه‌ی بێ پاشكه‌وت به‌ده‌رناكرێت و وتیشی”ئه‌وه‌ی باس ده‌كرێت كه گوایه میكانزمی به‌راوردكردنی قوتابخانه‌و نه‌خۆشخانه‌كان به ژماره‌ی مامۆستایان و كارمه‌ندانی ته‌ندروستی دووره له‌ڕاستیه‌وه‌و به‌دڵنیاییه‌وه چاوه‌ڕوان ده‌كرێت به‌منزیكانه موچه ى هه‌ردوو وه‌زاره‌ته‌كه بنێردرێت”.
له‌باره‌ی داواكه‌ی مامۆستایانی بۆ بایكۆتكردنی ده‌وام، ئه‌حمه‌د گه‌رمیانی وتی”رۆژی سێشه‌ممه 23ی 1ی 2018، یه‌كه‌م رۆژی ده‌ستپێكردنه‌وه‌ی ده‌وامی مامۆستایان و خوێندكارانه له‌دوای كۆتایی هاتنی پشووی تاقیكردنه‌وه‌كانی وه‌رزی یه‌كه‌م، داوا له مامۆستایانیش ده‌كه‌ین بچنه‌وه هۆڵه‌كانی خوێندن”.
نووسراوه له‌لایه‌ن
Raw Raw
Reviewed by Unknown
on
7:24:00 م
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: