پەروەردە بڕیارێك لەبارەی مامۆستایانی گرێبەست دەدات

پەروەردەی قەزای سەیدسادق، گرێبەستی مامۆستایانی سنورەكەیان بۆ ساڵی خوێندنی 2017 – 2018 نوێدەكاتەوەو لەڕێگەی SNNیشەوە داوایان لێدەكات ڕۆژی چوارشەممە سەردانیان بكەن بەمەبەستی نوێكردنەوەی گرێبەستەكانیان.

سۆران محەمەد، بەڕێوبەری پەروەردەی سەیدسادق، بە SNNی ڕاگەیاند:” گرێبەستی سەرجەم مامۆستایانی هەردوو قۆناغی ئامادەیی و بنەڕەتی بۆ ساڵی خوێندنی 2017 – 2018 نوێدەكرێتەوە، بۆیە ئاگاداری ئەو مامۆستایانە دەكەینەوە، ڕۆژی چوارشەممە 10ی كانونی دووەمی 2018، سەردانمان بكەن بەمەبەستی نوێكردنەوەی گرێبەستەكانیان.

بەوتەی سۆران محەمەد، كۆی مامۆستایانی گرێبەست لەسنووری پەروەردەی سەیدسادق، ژمارەیان 165 مامۆستایە.

نووسراوه‌ له‌لایه‌ن
Raw Raw