خواردنەوەی قاوە رۆژانە چیت بەسەردێنێت لەرووی تەندروستییەوە

قاوە خواردنەوەیەکە بڕێکی زۆر کافاینی تێدایە و هاوشێوەی چا لەلایەن هەندێک کەسەوە زۆر بایەخی پێ دەدرێت، بەتایبەت لەکاتێکدا کە خەویان دێت و لەسەر کارن، چونکە قاوە مێشک وریا دەکاتەوە.

خواردنەوەی سێ کوپ قاوە رۆژانە چیت بەسەردێنێت لەرووی تەندروستییەوە؟

1- بەگوێرەی توێژینەوەیەکی ئەوروپی خواردنەوەی سێ کوپ قاوە رۆژانە، ئەگەری تووشبوونت بە نەخۆشیەکانی دڵ و خوێنبەرەکان کەمدەکاتەوە.

2- هاوکات خواردنەوەی سێ کوپ قاوە ئامێری هەناسەدان و گورچیلەکانی دەپارێزێت.

3- هەر بەپێی توێژێنەوەکە قاوە ئەگەری مردنی لەناکاو کەمدەکاتەوە.

لەلایەنی دیکەوە لێکۆڵینەوەکە جەخت لەوەش دەکاتەوە، ئەو کەسانەی تەنها یەک کوپ قاوە دەخۆنەوە، بەڕێژەی لە %12 ئەگەری مردنی لەناکاویان کەمدەبێتەوە، ئەو کەسانەش کە سێ کوپ دەخۆنەوە رۆژانە بەڕێژەی لە %18 ئەگەری مردنی لەناکاویان کەمدەبێتەوە، بەڵام هەرگیز پزیشکان رێنوێنی مرۆڤەکان ناکەن کە زۆر یان کەم بخۆنەوە، باشترە بەبڕێکی یەکسان و گونجاو بێت.

نووسراوه‌ له‌لایه‌ن
user post