پیرۆزباهی ب بیرهوهرییا سالا نوو یا خواندێ
ب بیرهوهرییا سالا نوو یا خواندنێ 2017-2018 ب ناڤێ خوه و ههمی كاربدهست و فهرمانبهرێن پهروهردهیا دهۆك رۆژئاڤا، پیرۆزباهییا ههمی مامۆستا و قوتابیێن خوهشتڤیێن كوردستانێ دكهم، تایبهت مامۆستا و كارمهند و قوتابیێن پهروهردهیا رۆژئاڤا كو ل سالێن بۆرین ژی سهرهرایی ههمی وكێموكاسی و ئاستهنگێن دژمنێن مللهتێ كورد ل سهر كوردستانێ دسهپینن، هوون ههر ب دلسۆزی و وهفاداری ل سهر پرۆسێسا خوه یا خواندنێ بهردهوام بوون و ئهو ئهنجامێن د شیان دا بن ب دهستڤه ئینان و بهرسڤا ههمی نهحهز و دژمنان ب سهركهڤتێنێن خوه یێن مێژوویی بدهن. راسته سالا نوو یا خواندنێ یا ئهڤ ساله جودایه ژ سالێن دی، تایبهت پشتی مهترسیا تیرۆرستێن داعشێ لسهر ههرێما كوردستانێ لاوازبووی و پرۆسێسا ریفراندۆمێ بۆ جارا ئێكێ د دیرۆكا مللهتێ كورد دا ل ههرێما كوردستانێ ل 25-9-2017 سهركهڤتیانه هاتییه ئهنجامدان پێخهمهت راگههاندنا دهولهتا كوردی؛ لێ مه باوهرییا ب مامۆستا و قوتابیێن خوه یێن خوهشتڤی ههی كو ئهو دێ پتر خهباتێ كهن سهرهرایی ههموو ئاستهنگ و كێموكاسیان و رادهستی گهف و پیلانێن دژمنان نابن و دێ ب زووترین دهم گههنه ئارمانجێن گهشبین و چاڤهرێكری ل بن سیبهرا ئالایێ دهولهتا كوردی. بژی كورد و كوردستان. نهمری بۆ شههێدین سهربهرزێن كوردستانێ
عومهر ئهحمهد قاسم
رێڤهبهرێ پهروهردا دهۆك رۆژئاڤا
1\1\2017
The post پیرۆزباهی ب بیرهوهرییا سالا نوو یا خواندێ appeared first on رێڤەبەریا پەروەردا قەزا دهوك روژئاڤا.
نووسراوه لهلایهن
azad nisry

ليست هناك تعليقات: