بەڕێوەبەری گشتی پەروەردەی هەولێر سەركەوتنی تاقی كردنەوە گشتی یەكانی لە هەولێر ڕاگەیاند
پەیامی بەڕێوەبەری گشتی پەروەردەی هەولێر
بە بۆنەی کۆتاییهاتنی ئەزموونە گشتییەکان
بە خۆشحاڵییەوە ئەمڕۆ یەکشەممە ڕێکەوتی (۲٠۱۷/۷/۱٦)، سەرکەوتنی پڕۆسەی ئەزموونە گشتییەکان لەسەر ئاستی بەڕێوەبەرایەتی گشتی پەروەردەی هەولێر ڕادەگەیەنین. کە ئەمەش بە هەوڵ و ماندووبوونی بەڕێزان سەرپەرشتیاران و بەڕێوەبەران و یاریدەر و چاودێری هۆڵەکان بوو کە بەوپەڕی بەرپرسیاریەتییەوە ئەرکەکانیان ڕاپەڕاند و سوپاسیان بکەم.
سەڕەڕای ئەو بارودۆخە سەختە داراییەی کەوا لەساڵی خوێندنی (۲٠۱٦-۲٠۱۷) یەخەی گرتین، کەچی مامۆستایانی دڵسۆز وەک قەڵغانێک و پێشمەرگە ئاسا بەرگرییان لە زانست و پەروەدە کرد و دەرگای قوتابخانەکانیان بەڕوی قوتابییە خۆشەویستەکانمان دانەخست و پڕۆسەی پەروەردە و فێرکردن پەکی نەکەوێت.
لێرەوە بە پێویستی دەزانم دەستخۆشی و سوپاسی بەڕێوەبەرایەتی گشتی پەروەردەی هەولێر ئاڕاستەی وەزارەتی پەروەردە و خودی جەنابی وەزیری پەروەردە بکەم کە بە دابینکردنی سەرجەم پێداویستییەکان بەردەوام پاڵپشتمان بووە لە سەرکەوتنی ئەم پڕۆسە نیشتمانییە، هەروەها سوپاسی خۆمان ئاڕاستەی بەڕێز پارێزگاری هەولێر و قایمقامی قەزاکان دەکەین کەوا بەردەوام هاوکاربوون.
سوپاسی بێ پایانمان بۆ بەڕێوەبەرایەتی گشتی کارەبای هەولێر و بەڕێوەبەرایەتی پۆلیس و ئاسایش کەوا بە دابینکردنی کارەباو ئاسایش خزمەتی هۆڵەکانیان کرد.
سوپاس و پێزانینمان ئاڕاستەی سەرجەم ئەندامانی لێژنەی ئەزموونی لێژنەی لقی و لێژنەی پەروەردەی قەزاکان و تیمە هونەریەکان دەکەین.
لەکۆتاییدا دووبارە پیرۆزبایی لە کەسوکار و خودی قوتابی و خوێندکارە خۆشەویستەکانمان دەکەین کە بەرگەی ئەو کەشوهەوا گەرمەیان گرت و داوای لێبووردنیان لێ دەکەین لەهەر کەموکورتییەک کە لە هۆڵەکانی تاقیکردنەوە هەبووبێت.
بەشدار عبدالخالق خضر
بەڕێوەبەری گشتی پەروەردەی هەولێر
نووسراوه له‌لایه‌ن
Raw Raw
Reviewed by Unknown
on
7:35:00 م
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: