ئه‌زموون پيروزترين پروسه‌يه وهه‌ر كه‌سێ پێشێل بكه‌ت دێ پێرابونێن توند دگه‌ل هێنه كرن
ئه‌ڤرو سپێدێ رێكه‌فتى 13/6/2017 رێزدار عمر تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ ب وه‌كاله‌ت سه‌رپه‌رشتيا كومبونه‌كا ئاسايى يا تايبه‌ت ب ئه‌زموونێن گشتى ونيشتيمانى قوناغێن ( 9) ێ بنه‌ره‌تى و(12) ئاماده‌يى ل كوچكا رێڤه‌به‌ريا گشتى ێا په‌روه‌ردێ كر .
دكومبونێ دا ب ئاماده‌بونا هه‌مى رێڤه‌به‌رێن په‌روه‌ردێن قه‌زاورێڤه‌به‌رێ شه‌رپه‌رشتيا په‌روه‌رده‌ى ودلنيا جورى ل پارێزگه‌ها دهوكێ وڕيڤه‌به‌رێن ته‌كنيكى وئه‌زموونان ل كوچكا په‌روه‌ردا گشتى دان وستاندن لسه‌ر چه‌ندين ته‌وه‌ر ورێنمايێن تايبه‌ت ب ئه‌زموونان ڤه هاتنه كرن .
به‌رێز رێڤه‌به‌رێ گشتى يێ په‌روه‌ردێ دكومبونێ دا دا دياركرن كو ئه‌زموون پيروزترين پروسه‌يه وهه‌ر كه‌سێ پێشێل بكه‌ت دێ پێرابونێن توند دگه‌ل هێنه كرن.
هه‌روه‌سا دكومبونێ دا به‌رێز رێڤه‌به‌رێ گشتى گوت : هه‌مى ئاماده‌كارى هاتينه كرن وكارێ پێدڤى بو سه‌رئێخستنا پروسا ئه‌زموونان هاتينه ئه‌نجام دان وئاشكرا كر كو وه‌زاره‌تا په‌روه‌ردێ پێنگاڤه‌كا دى بو سه‌رئێخستن وسه‌ركه‌فتنا پروسا ئه‌زموونان كو رێڤه‌به‌رێن بنگه‌هێن ئه‌زموونان ل پارێزگه‌هێن هه‌رێما كوردستانێ بهێنه ئالگور كرن و(30) رێڤه‌به‌رێن بنگه‌هان ژ پارێزگه‌ها هه‌ولێر وسلێمانيێ هاتينه ودێ ب كارێ رێڤه‌به‌رێن بنگه‌هان رابن ، به‌رامبه‌ر دا (30) رێڤه‌به‌ر ژپارێزگه‌ها دهوكێ ب هه‌مان شێوه دێ ل پارێزگه‌هێن دى يێن كوردستانێ ب كارێ رێڤه‌به‌رێن بنگه‌هێن ئه‌زموونان رابن .
هه‌ژى گوتنێ يه سوبه‌هى رێكه‌فتى 14/6/2017 ئه‌زموونێن نيشتيمانى يێن قوناغا (9) بنه‌ره‌تى خولا ئێكێ سالا خواندنێ 2016/2017 و ل ده‌م ژمێر (08:30) سپێدێ هێنه كرن و(41.000) قوتابى د پشكدار بن دڤان ئه‌زموونێن نيشتيمانى دا كو ل سه‌ر (574) بنگه‌هان ل سه‌رانسه‌رى پارێزگه‌ها دهوكێ هاتينه به‌لاڤكرن وداخوازا سه‌ركه‌فتنێ بو هه‌مى قوتابيان خواست .
The post ئه‌زموون پيروزترين پروسه‌يه وهه‌ر كه‌سێ پێشێل بكه‌ت دێ پێرابونێن توند دگه‌ل هێنه كرن appeared first on رێڤەبەریا پەروەردا قەزا دهوك روژئاڤا.
نووسراوه له‌لایه‌ن
azad nisry
Reviewed by Unknown
on
1:46:00 م
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: