سلێمانی.. قوتابییه‌كی پۆلی دوانزه‌ كۆتایی به‌ژیانی خۆی هێنا

ئه‌و كچه‌ قوتابییه‌ی ئه‌مڕۆ به‌هۆی كه‌میی كۆنمره‌كانی پۆلی دوانزه‌یه‌وه‌ ئاگری له‌جه‌سته‌ی خۆی به‌ردا ئه‌مشه‌و گیانی له‌ده‌ستدا.

به‌پێی زانیارییه‌كانی (باسنیوز) پاشنیوه‌ڕۆی ئه‌مڕۆ سێشه‌ممه‌(12-7-2016) كچه‌ قوتابییه‌كی پۆلی دوانزه‌ی ئاماده‌یی دانیشتووی شاره‌دێی (عه‌ربه‌ت)ی سه‌ر به‌ پارێزگای سلێمانی به‌ ناوی (د - م) ته‌مه‌ن 19 ساڵ دوای وه‌رگرتنه‌وه‌ی كۆنمره‌كانی پۆلی دوانزه‌ و به‌هۆی كه‌می نمره‌كانییه‌وه‌ ئاگری له‌ جه‌سته‌ی خۆی به‌رداوه‌.

سه‌رچاوه‌یه‌ له‌ نه‌خۆشخانه‌ی ئیمێرجنسی سلێمانی به‌ (باسنیوز)ی ڕاگه‌یاند كه‌ كه‌مێك پێش ئێستا به‌هۆی زۆری ڕێژه‌ی سووتاوییه‌كه‌یه‌وه‌ ئه‌و قوتابییه‌ كچه‌ گیانی له‌ده‌ستداوه‌.