زانكۆیا دهۆك ل پێنج پشكێن زانستی دێ قوتابیان ئێكسه‌ر وه‌رگریت
زانكۆیا دهۆك پشت به‌ستن ل سه‌ر رێنمایێن وه‌زاره‌تا خواندنا بلند و ڤه‌كۆلینێن زانستی یا حوكمه‌تا هه‌رێما كوردستانێ رێنمایی بۆ وه‌رگرتنا راسته‌وخۆ یا قوتابیان بۆ پێنج پشكێن زانستی دوهی 27/7/2016 به‌لاڤكرن و دووماهی ژڤان بۆ پێشكێشكرنێ رۆژا 24/8/2016 یه.
د نڤیساره‌كێ دا كو بۆ هه‌موو كۆلیژێن ب سه‌ر زانكۆیا دهۆك ڤه هاتیه هنارتن تێدا هاتیه دیاركرن كو ل هه‌ر ئێك ژ كۆلیژێن (په‌روه‌ردا وه‌رزشی، زانستێن مرۆڤایه‌تی – پشكێن كۆمه‌لناسی، دراما، شێوه‌كاری، سیاسه‌تێن گشتی) دێ راسته‌وخۆ ده‌رچوویێن پۆلا 12 ئاماده‌یی وه‌رگرن و هه‌ر ل كۆلیژان بخۆ دێ فۆرما پێشكێشكرنێ پركه‌ن.
د رێنمایان دا هاتیه، كو د پلانا كۆلیژان دا دڤێت رێژه‌ك بهێته ته‌رخانكرن بۆ خواندنا پارالێل كو ب رێژا (20%) كێمتر نه‌بیت ژ پلانا وه‌رگرتنێ، هه‌روه‌سا دێ ده‌رچویێن ئاماده‌یی یێن هه‌رێما كوردستانێ یێن سالا خواندنێ (2015 – 2016) پێشكێش كه‌ن بۆ هه‌ڤركیێ ب مه‌رجه‌كی تێكرایێ ئاماده‌یی ژ (60%) كێمتر نه‌بیت و ژیێ پێشكێشكاری ژ 30 سالان پتر نه‌بیت.
هه‌روه‌سا بۆ ده‌رچوویێن سالا خواندنێ (2014 – 2015) ئه‌وێن ل چو زانكۆیێن حكومی نه‌هاتینه وه‌رگرتن مافێ پێشكێش كرنێ یێ هه‌ی ب مه‌رجه‌كی تێكرایێ وان یێ ئاماده‌یی ژ (60%) كێمتر نه‌بیت و ژیێ پێشكێشكاری ژ 30 سالان پتر نه‌بیت، هه‌روه‌سا بۆ ده‌رچوویێن ئاماده‌یێن پیشه‌یی ژی دشێن بچنه هه‌ڤركیێ بۆ وان پشكێن مافێ پێشكێشكرنێ هه‌ی ب هه‌مان مه‌رجێن ژی و تێكرای، بۆ پێشكێشكرنا راسته‌وخۆ ژی داخوازكاری ب تنێ مافێ پێشكێشكرنێ بۆ ئێك زانكۆ و ژ ئێك زانكۆ ژی بۆ ئێك پشكا زانستی دێ هه‌بیت.
بۆ پێشكێشكرنا پارالێل ژی بۆ ده‌رچوویێن سالێن پێشتر یێن ئاماده‌یی یێن هه‌رێمێ و عیراقێ ل گه‌ل به‌رچاڤ وه‌رگرتنا رێنمایێن پارالێل د تێكرایی و ژی دا، بۆ هه‌ر پشكه‌كێ ژی دێ كریا خواندنێ هێته دیاركرن.
پێشكێشكرن ژی هه‌تا رۆژا 24/8/2016 دێ یا به‌رده‌وام بیت و راسته‌وخۆ دێ پێشكێشی تۆمارێن كۆلیژان كه‌ن، بۆ وان بسپۆریێن كو شیانێن هۆنه‌ری و ته‌كنیكی پێدڤی ب دكیومێنتێن فه‌رمی بیت دێ ب رێژا 10% نمرێن تاقیكرنێ ل سه‌ر وان شیانان بیت ل دووڤ گرنگیا وێ دكیومێنتێ.
هه‌روه‌سا ئه‌و قوتابیێن ب ڤی سیسته‌مێ پێشكێشكرنا راسته‌وخۆ دهێنه وه‌رگرتن مافێ پێشكێشكرنێ ب رێیا زانكۆلاین نامینی.
ئه‌ڤرۆ، ره‌مه‌زان رێكانی:
The post زانكۆیا دهۆك ل پێنج پشكێن زانستی دێ قوتابیان ئێكسه‌ر وه‌رگریت appeared first on رێڤەبەریا پەروەردا قەزا دهوك روژئاڤا.
نووسراوه له‌لایه‌ن
azad nisry
Reviewed by Unknown
on
9:52:00 ص
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: