برياره كونفرانسه‌كێ په‌روه‌رده‌يى بهێته گيران
ل روژا چوارشه‌مبى رێكه‌فتى 27/7/2016 كومبونه‌كا ئاسايى ل كوچكا رێڤه‌به‌ريا گشتى يا په‌روه‌ردا پارێزگه‌ها دهوكێ ب سه‌روكاتيا به‌ڕيز عبد يوسف احمد رێڤه‌به‌رێ گشتى يێ په‌روه‌ردێ ل پارێزگه‌ها دهوكێ هاته كرن.
دكومبونێ دا و ب ئاماده‌بونا هاريكارێن رێڤه‌به‌رێ گشتى ورێڤه‌به‌رين په‌روه‌ردێن قه‌زايێن سه‌ر ب رێڤه‌به‌ريا گشتى يا په‌روه‌ردێ ڤه و ريڤه‌به‌رێ سه‌رپه‌رشتيا په‌روه‌رده‌يى ودلنيا جورى ل پارێزگه‌ها دهوكێ كومبونه‌كا ئاسايى هاته كرن .
به‌رێز رێڤه‌به‌رێ گشتى يێ په‌روه‌ردێ دكومبونێ دا ده‌ست خوشى ل كارێ هه‌مى ريڤه‌به‌ريێن په‌روه‌ردێن قه‌زا كر نه‌خاسمه ماموستايێن به‌رێز يين سه‌ره‌راى ئه‌و كاودانێن هه‌ين ل كوردستانێ وبارێ ئابورى وگێروبونا مووچه‌ى به‌لێ ب باشترين شێوازئه‌ركێن خو ل سالا خواندنێ 2015/2016 وب سه‌ركه‌فتيانه ئه‌نجام داين .
ديسان دكومبونێ دا وبو دان وستاندن لسه‌ر چه‌ندين بابه‌تێن گرنك ئاماده‌بويێن كومبونێ لسه‌ر چه‌ندن ته‌وه‌ران دان وستاندن كرن :
1. ديراسه‌ته‌ك بهێته ئه‌نجام دان ژلايێ په‌روه‌ردان ڤه وكه‌سانێن بسپور وشاره‌زا دبياڤێ ئه‌زموونان و بتايبه‌ت ( پرسيارێن ئه‌زموونان) يێن پولا 12 ئاماده‌يى و پولا 9 بنه‌ره‌تى وئه‌ڤ ڤه‌كولينه لسه‌ر بنه‌مايێن زانستى بهێته ئه‌نجام دان ودياركرن كا ب چێ شێوه پرسيار بهێنه دان وبو وه‌زاره‌تێ دێ هێنه ره‌وانه‌كرن دا بريارێن گونجاى بهێنه دان .
2. فه‌رمانبه‌رێن سه‌ر ب په‌روه‌ردێ ڤه ئه‌وێن دڤێن ببنه ماموستا ونه‌خاسمه ده‌رچوويێن په‌يمانگه‌ه وكوليژان دشێن ب رێكا په‌روه‌ردێن خو داخوازيێن خو بلند بكه‌ن بو رێڤه‌به‌ريا گشتى بو گهورينا ناڤ ونيشانێن خو ييێن كارى، هه‌روه‌سا بو فه‌رمانبه‌رێن نه ب په‌روه‌ردێ ڤه ژى دشێن داخواز بكه‌ن ب مه‌رجه‌كى ره‌زامه‌نديا وه‌زاره‌تا وان هه‌بيت وده‌رچوويێ وان په‌يمانگه‌ه وكوليژێن په‌يوه‌ندى ب په‌روه‌ردێ ڤه هه‌بيت .
3. برياره نێزيك كونفرانسه‌ك بهێته گێران بو چاره‌سه‌ركرن وديراسه‌ت كرنا چه‌ندين بابه‌تێن گرنك وه‌كى ( ئه‌زموون، سه‌رپه‌رشتيارى ، قوتابخانێن ئه‌هلى ، فروشگه‌هێن قوتابخانا ، ……) ونوكه ئاماده‌كارى دهێنه كرن .
4. په‌يمانگه‌هێن ئه‌هلى يێن په‌روه‌رده‌يى ئێدى ناهێنه ڤه‌كرن و وه‌زاره‌تا په‌روه‌ردێ مووله‌تێ بو ڤه‌كرنا ڤان په‌يمانگه‌هان ناده‌ت .
5. قوتابخانێن سابيس ئه‌وێن ل هه‌رێما كورستانێ هه‌ين دێ ل دويف رێنمايێن وه‌زاره‌تا په‌روه‌ردێ كاركه‌ن .
6. 78 كابينه لسه‌ر رێڤه‌به‌ريێن په‌روه‌ردێن قه‌زا ولدويف پێدڤيا هاتنه به‌لاڤكرن وبرياره دڤى ماوه‌ى دا ( 720) كابينه لسه‌ر په‌روه‌ردان بهێنه به‌لاڤكرن .
7. بريار هاته دان كو هه‌لسه‌نگانده‌ك ژلايێ په‌روه‌ردان بهێته كرن سه‌باره‌ت پروسا ئينگليزى كرنا بابه‌تان ل قوناغا باغچه وبنه‌ره‌تى .
8. پێشنيار هاتيه كرن كو ئه‌و ماموستايێن مه‌رجێن ڤه‌گوهاستنێ هه‌ين و ژبه‌ر ئه‌و كاودانێن هه‌ين ل كوردستانێ ونه‌بونا دامه‌زراندنێ وگرێبه‌ستان سوپاسييه‌ك ژلايێ وه‌زيرێ په‌روه‌ردێ ڤه بو وان ماموستايان بهێته دان و وه‌زيرێ په‌روه‌ردێ رازه‌مه‌نديا خو ديار كريه .
9. سه‌باره‌ت بابه‌تێ ڤه‌گوهاستنا ماموستايان بو سالا خواندنێ 2016/2017 وه‌اره‌تا په‌روه‌ردێ ل به‌ره هنه‌ك رێنمايێن تايبه‌ت ل ڤان نێزيكان ب راگه‌هينيت .
10. مووله‌تێن بێ مووچه وه‌كى پار سال ولدويف هه‌مان وان رێنمايان دێ بيت .
11. بو چاره‌سه‌ركرنا كێماسيا ميلاكى ونه‌خاسمه ل قوناغا ئاماده‌يى بريار هاته‌دان ئه‌و ئاماده‌يێن نێزيك ئێك وژمارا قوتابيا يا كێمبيت بهێنه لێكدان .
12. برياره رێكخراوا ( GIZ) يا ئه‌لمانى ب كوژمێ سێ مليون يورو يان قوتابخانا ل دهوكێ ئاڤا بكه‌ت.
ديسان دكومبونێ چه‌ندين دان وستاندن لسه‌ر چه‌ندين بابه‌تێن دى هاته كرن .
http://www.perwerdagduhok.net/
The post برياره كونفرانسه‌كێ په‌روه‌رده‌يى بهێته گيران appeared first on رێڤەبەریا پەروەردا قەزا دهوك روژئاڤا.
نووسراوه له‌لایه‌ن
azad nisry
Reviewed by Unknown
on
11:33:00 ص
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: