ئامۆژگاری بۆ سەرکەوتن لە کەسایەتیە ناودارەکانەوە

رەنگە هەموو چاوەڕێ بکەین رۆژێک لە رۆژان لەرووی ماددیەوە قازانجێکی زۆر بکەین، یان بەدوای چانسێکدا بگەڕێین لەرووی پیشەییەوە پێگەمان بەرز بێتەوە و سەرکەوتنی گەورە بەدەستبهێنن لەهەموو روویەکەوە، ماڵپەڕی buzzkito پێنج ئامۆژگاری سەرەکی دەخاتەڕوو بۆ ئەم مەبەستە، کە بنەمای سەرەکی بووە بۆ سەرکەوتنی هەریەک لە کەسایەتیە ناودارەکانی جیهان وەک جای زەی، تۆماس ئەدیسۆن، ستیڤن کینگ و ئۆپرا.

1-خۆت بەراورد بەخۆت بکە، نەک کەسانی دیکە، واتە هەمیشە رووبەرووی خۆت بەرەوە لەپێناو گەیشتن بە خواست و ئامانجەکانت، بەڵام بەراوردکردنی خۆت بە کەسانی دیکە شکستی لەدوادەبێت.

2-متمانەت بە تواناکان و هێزی خۆت هەبێت، چونکە باشترە وابیربکەیتەوە هیچ بەربەست و قورساییەک نییە چارەسەری نەبێت، هەموویان بکەرە ئەزموونێک بۆ بەرەوپێشچوون و بەهێزبوونی زیاتر.

3-لە کاری سەرکێشی مەترسە، چونکە هەندێک کات پێویست بوێربیت، لەپێناو بەدیهاتنی خواست و ئامانجەکانت، بەڵام دەبێت وریابیت.

4-فێربە و شکستیش قبوڵ بکە، هەمیشە لە ئاستی زانیاری و زانستدا خۆت بچوک ببینە و هەوڵی زیاتر بە، بەڵام چاوەڕوانی شکستیش بکە و بیکەرە ئەزموونێک.

5-هەمیشە بەشێوەیەکی رێکخراو کاربکە، چونکە کاری هەڕەمەکی سەرکەوتنی لەدوانییە، بەدوای باشتر و باشتردا بڕۆ.

نووسراوه‌ له‌لایه‌ن
user post