كچێكی قوتابی تەمەن 18 ساڵ لە قەڵادزێ خۆی سووتاند و گیانی لەدەست دا

ڕاگەیاندنی پۆلیس ڕاپەرین ڕایگەیاند، كچێك لە شارۆچکەی قەڵادزێ خۆی سوتاند و به‌ هۆی سه‌ختی برینه‌كه‌شی گیانی له‌ده‌ستدا.

بەپێی ڕاگەیەندراوی پۆلیسی ڕاپەرین، ئەو کچە تەمەنی ١٨ ساڵە و خوێندکار بووە، ئێوارەی دوێنێ له‌ ماڵه‌كه‌ی خۆیدا به‌ نه‌وت خۆی سوتاندووە، به‌پێی ڕاپۆرتی نه‌خۆشخانه‌ی گشتیی قه‌ڵادزێ ڕێژه‌كه‌ی 70% بووه‌، به‌هۆی سه‌ختی برینه‌كه‌یه‌وه‌ به‌ڕێكراوه‌ بۆ سلێمان و لە درەنگانێکی شەودا گیانی لەدەستداوە.

پۆلیس دەڵێت، به‌ وته‌ی ئەو کچە، به‌هۆی كێشه‌یه‌كی كۆمه‌ڵایه‌تییەوە خۆی سوتاندووه‌ و پاش لێكۆڵینه‌وه‌ له‌ هۆكاری خۆسوتاندنه‌كه‌ی به‌ بڕیاری دادوه‌ر، كه‌سێك به‌ هۆی ڕووداوه‌كە‌ ده‌ستگیر كرا، لێکۆڵینەوەش لە ڕووداوەکە بەردەوامە

نووسراوه‌ له‌لایه‌ن
Raw Raw