نیشانەکانی تووشبوونی منداڵ بە خەمۆکی

منداڵ هاوشێوەی گەورەکان تووشی باری دەروونی ناجێگیر دەبێت، چونکە هەستیارە و زوتر درک بە گۆڕانکاری و رووداوەکانی چواردەوری دەکات، بەڵام گرنگە دایکان و باوکان ئەگەر منداڵەکانیان تووشی خەمۆکی و بێزاری و بارێکی دەروونی ناجێگیر بوو، هەستی پێبکەن و هەوڵبدەن بە رێگایەکی باش چارەسەری بکەن یان سەردانی پزیشکی دەروونی و پسپۆڕەکانی بواری دەروونناسی و کۆمەڵایەتی بکەن.

بەپێی هەواڵێکی ماڵپەڕی rotana منداڵان کاتێک تووشی ناجێگیری دەروونی و خەمۆکی دەبن، ئەم نیشانانەی تێدا دەردەکەوێت:

1-بوونی دەروونێکی (میزاجێکی) خراپ بە درێژایی رۆژ.

2-بایەخ بە چالاکی و جوڵەکانی رۆژانە نادات.

3-کێشی دادەبەزێت و ئارەزووی خواردنی نییە.

4-کەم خەوە، شەوانە ناتوانێت لەکاتی خۆیدا بخەوێت و ئارەقیش زۆردەکاتەوە لەکاتی خەودا.

5-توانای یاریکردن و بەشداریکردنی هیچ جوڵەیەکی نییە، بەردەوام بێتاقەتە و هەست بە خەمباری دەکات.

6-ناتوانێت بڕیاربدات و بەردەوام دڵەڕاوکێیەتی.

7-هەست بە زەمب دەکات بەردەوام و زیرەکی لەدەستدەدات.

8-بیر لە مردن دەکاتەوە و بیرکردنەوەکانی بەگشتی سلبین.

9-رەنگە تووشی خوویەکی خراپ بێت وەک نینۆک خواردن، کە هۆکارەکەی نائارامیە.

نووسراوه‌ له‌لایه‌ن
Parwarday Maxmur