ڕێژه‌ی ده‌رچوونی فوتابییانی زانستی دوو هێنده‌ی قوتابییانی وێژه‌ییه‌

وەزارەتی پەروەردەی حکومەتی هەرێمی کوردستان ئەنجامی تاقیکردنەوەکانی پۆلی 12ی ئامادەیی و 9ی بنەڕەتی و خوێندنی پیشەیی راگەیاند. بە سەرجەمیان 57 قوتابی یەکەم، دووەم و سێیەم بوون.
رۆژی چوارشەممە لە کۆنگرەیەکی رۆژنامەڤانیدا د. پشتیوان سادق، وەزیری پەروەردە ئەنجامی تاقیکردنەوەکانی خوولی یەکەمی پۆلی 12ی ئامادەیی،  9ی بنەڕەتی و خوێندنی پیشەیی بۆ ساڵی خوێندنی 2017 - 2018 ی راگەیاند.

رێژەی دەرچوون لە بەشی زانستی 12ی ئامادەیی (28%)، لە بەشی وێژەیی (18%)  و لە پۆلی 9ی بنەڕەتیش (65%) بووە.

57 قوتابی یەکەم، دووەم و سێیەم بوون، لەوانەش 34 کوڕ و 23 کچ بوون. زۆرینەی یەکەمەکان لە پارێزگاکانی هەولێر و سلێمانی بوون.