پەروەردە وادەی كۆتایی هاتنی دەوامی خوێندنی ڕاگەیاند

بەڕێوەبەرایەتی گشتی پەروەردەی سلێمانی روونكردنەوە لەسەر دەوامی پۆلی یەك، دوو، سێ بنەڕەتی دەدات و وتەبێژی بەڕێوەرایەتییەكەش رایدەگەیەنێت”لەڕۆژی 14ی مانگەوە دەوامیان دەسپێدەكاتەوەو لە 23ی مانگ كۆتایی دێت” و دەشڵێت: رۆژێك دوای هەڵبژاردن دەوام نییەو پۆلەكان بۆتاقیكردنەوەی پۆلە ناكۆتاكان ئامادە دەكرێت.

مەریوان عومەر وتەبێژی بەڕێوەبەرایەتی گشتی پەروەردەی سلێمانی بەSNNی راگەیاند: دەوامی پۆلی یەك، دوو، سێ بازنەی یەكەم بەردەوام دەبێت تاكۆتایی تاقیكردنەوەی پۆلە ناكۆتاكان.

وتیشی”لەڕۆژی 14ی 5ی 2018ەوە تاقیكردنەوەی پۆلە ناكۆتاكان دەستپێدەكات و تا رۆژی 23ی 5ی 2018 بەردەوام دەبێت”.

ئاماژەی بەوەشكرد، رۆژێك دوای هەڵبژاردن كە دەكاتە رۆژی 13ی مانگ دەوام نییە، بەڵام خوێندنگەكان ئامادە دەكرێن بۆ تاقیكردنەوەی پۆلە ناكۆتاكان.

نووسراوه‌ له‌لایه‌ن
Raw Raw