Top Ad unit 728 × 90

ڕێكلامی بازرگانی (5000 / مانگانه‌)

پەروەردەی شارەزوور ڕایگەیاندووە، سبەی یەک شەممە دەوامی خوێندنگاکان ئاسایی دەبێتەوە

پەروەردەی شارەزوور ڕایگەیاندووە، سبەی یەک شەممە بەرواری ٨-٤-٢٠١٨ دەوامی سەرجەم ناوەندەکانی خوێندن بە دیوان و باخچەی مناڵان و قوتابخانە و خوێندنگاکان ئاسایی دەبێتەوە.

بەڕێوەبەرێتی پەروەردەی شـــارەزوور لە لاپەڕەی خۆی لە فەیسبوک بڵاویکردەوە “لەئێستادا و لەپاش هەنگاونان بەمەبەستی نەهێشتنی سیستمی مووچە و گۆڕانکاری لە سیستمی مووچەدا کە تا ڕادەیەک لە سیستمی جارانی نیو موچە و چارەکە مووچە باشترە، و بەمەرجی پێدانی مانگانەی مووچە بە مامۆستایان و فەرمانبەران بریاردراوە سبەی یەک شەممە بەرواری ٨-٤-٢٠١٨ لە سەرجەم ناوەندەکانی خوێندن بە دیوان و باخچەی مناڵان و قوتابخانە و خوێندنگاکان دەوام ئاسایی ببێتەوە و دەست دەکرێتەوە بە دەوام”.

ئاماژە بەوەشکراوە، “زۆرێک لە قوتابخانە و خوێندنگاکانی سنووری بەڕێوەبەرێتیمان لەڕێگەی ئەکاونت و لاپەرەی خۆیانەوە ئاگادارییان بڵاوکردووەتەوە کە سبەی یەک شەممە دەوامی فەرمییە”.

لە کۆتایشدا هاتووە، “ئێمەش وەک بەڕێوەبەرێتی پەروەردەی شارەزوور داوا لە قوتابیان و خوێندکاران و کەسوکاریان لە سنووری بەڕێوەبەرێتیمان دەکەین کە سبەی دەوامی ئاساییە لە باخچە و قوتابخانە و خوێندنگاکان”.
ئەمەش لە کاتێکدایە هەر ئەمڕۆ لە بەشێک لە شارەکانى تری هەرێم مامۆستایان بایکۆتی خوێندنیان شکاند و دەوامی ئاساییان دەستپێکردەوە.



نووسراوه‌ له‌لایه‌ن
user post

پەروەردەی شارەزوور ڕایگەیاندووە، سبەی یەک شەممە دەوامی خوێندنگاکان ئاسایی دەبێتەوە Reviewed by Xwendga Kurdish on 4:56:00 م Rating: 5

ليست هناك تعليقات:

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.