Top Ad unit 728 × 90

ڕێكلامی بازرگانی (5000 / مانگانه‌)

راپەڕین و پەروەردە ..

لای هەموان روون و ئاشكرایه هەر شۆرش و راپەڕینێک سەرهەڵبدات له ئەنجامی ئەو فشار و پاڵەپەستۆ و زوڵم و ستەم و نایەکسانیەی رژێم و دەسەڵاتدارانە کە دەیکەنەو کردویانەتە سەر هاوڵاتیانی کۆمەڵگاکەیان له سەپاندنی دەسەڵات به ئاگر و ئاسن و زەوتکردن و سەركوتكردنی ئازادییەکان و هەموو جۆره دەستبەسەراگرتن و قۆرخکارییەک له رووی ئابوری و  ژیان و گوزەران و بژیوی خەڵک .

ڕاپەڕین و شۆرش واته گورانكاری بۆ باشترکردن  و خوشگوزەرانی و گەڕاندنەوەی کەرامەت و شكۆمەندی تاكەکان و سەروەری یاسا و دەستور ..! بەمانایەکیتر ، لەژیانێکی خراپ و پڕ لە زوڵم و زۆرداری و نایەکسانی بۆ ژیانێکی پڕ لە شەهامەت و پاراستنی مافە فەردی و مەدەنیەکان  هاوڵاتیان …
لێرەدا دەمانەویت دوایی ٢٧ ساڵ لە راپەرینی خەڵکی کوردستان دژی رژێمی بەعس تیشکێک بخەینە سەر راپەرین و پەروەردە ،دوایی زیاتر لە چارەگە سەدەیەک ئایا ئامانجەکانی راپەرین لە بواری پەروەردە و فێرکردن بەکوێ گەیشتوە ؟ ئایا توانیومانە نەوەیەکی هۆشیار و ئازاد و ئازا لە ناوەندەکانی خوێندن ببەخشینە کۆمەڵگا ؟ ئایا دوایی ٢٧ ساڵ توانیومانە لەم کۆمەڵگایە سەدان و هەزاران مامۆستا بهرام ( کە یەکێکە لە مامۆستا دڵسۆز و شەهیدەکانی ڕاپەڕین )ببەخشینە ئەم کۆمەڵگایە کە لەپێناوی ئازادی و عەدالەت و گەڕانەوەی شکۆ بۆ تاکەکان سینگی خۆیان کردە قەڵغان ؟! یان تەنها ناوەکەیمان لە تابلۆی قوتابخانەیەک هەڵواسی و هیواو و ئاواتەکانیمان خستە ژێر گل ؟!

نکۆڵی لەوە ناکرێت، لە دوایی راپەرینەوە  ژمارەیەکی زۆر لە ناوەندی فێرکردن و خوێندن و پەروەردە  لە ئاستە جیاوازەکان بە ڕووی فێرخوازان کرانەوە و ژمارەیەکی زۆری کادیر و خوێندەوار  بەخشرایە ئەم کۆمەڵگایە ، بەڵام ئایا ئەمە هەموو تموحەکانمان بوو ؟!

بێگومان نەخێر ،ئامانجی ئێمە و هەموو خەڵکی کوردستان و راپەڕین دورستکردنی تاکێکی خوێندەوار و هۆشیار و پسپۆڕ بوو ،کۆمەڵگایەکی بێ چین و چەوسانەوە بوو،هێنانە کایەی سیستەمێکی پەروەردەی مۆدێرن و دوور لەهەموو ئایدۆلۆژیایەکی توندڕەوی بوو،خەونەکانمان دەروون و فکر و بیرێکی هێمن و ئارام بوو بۆ سەرجەم تاکەکانی کۆمەڵگا ..

چەندمان کردووە دەبێ زۆر زیاتر بکەین بۆ ئەو ئامانجە باڵایەی کە سەدان و هەزاران لاو و پیشمەرگە خۆیان کردە کاسەوە،نابێت هەرگیز بێ ئومێد بین ئەم کۆمەڵگایە شایەنی خزمەتی زیاترە .
لێرەدا بەبۆنەی ساڵیادی راپەڕینە مەزنەکەی بەهاری ٩١ ، جارێکیتر سڵاو ریز دەنێرین بۆ گیان و خوێنی شەهیدانی راپەڕین و تەواوی کوردستان و بەرگری و بەرخودانی عفرین و کۆبانێ و پێشمەرگە گیان لەسەر دەستەکانی دژی تیرۆرستانی داعش .
بێ هیچ دوو دڵیەک روو دەکەمە مامۆستایان و قوتابیان و پێیان دەڵیم ، تەنها بە خوێندن و پەروەردە و چالاکیەکانیان لە ناوەندەکانی خوێندن و  دەتوانن خەونی شۆڤینیەکان بۆ هەتا هەتایە لە گۆڕ بنێین ..

عباس محمد برزنجی
به هاری 2018



نووسراوه‌ له‌لایه‌ن
Parwarday Maxmur

راپەڕین و پەروەردە .. Reviewed by Xwendga Kurdish on 9:51:00 م Rating: 5

ليست هناك تعليقات:

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.