Top Ad unit 728 × 90

ڕێكلامی بازرگانی (5000 / مانگانه‌)

مامۆستایان دواین هه‌ڵوێستیان ڕاگه‌یاند لە‌ سە‌ر بایكۆتی خوێندن

مامۆستایانی ناڕازی له‌سلێمانی، سووبوونی خۆیان له‌سه‌ر به‌رده‌وامیدان به‌بایكۆتی هۆڵه‌كانی خوێندن دووپاتده‌كه‌نه‌وه‌و كۆبوونه‌وه‌ش له‌گه‌ڵ وه‌زیری په‌روه‌رده‌ ره‌تده‌كه‌نه‌وه‌، به‌منزیكانه‌ش لیژنه‌یه‌كیان سه‌ردانی به‌غدا ده‌كات، راشیده‌گه‌یه‌نن: هه‌ر لایه‌نێك هه‌وڵبدات مامۆستایان ناچار به‌گه‌ڕانه‌وه‌ بۆ هۆڵه‌كانی خوێندن بكات، ناوه‌كه‌ی بۆ رایگشتی ئاشكرا ده‌كه‌ین.

ئه‌مڕۆ 20ی 2ی 2018، مامۆستایانی ناڕازی له‌سلێمانی كۆنگره‌یه‌كی رۆژنامه‌وانی رێكخست و له‌به‌یاننامه‌یه‌كی پێنج خاڵیدا، دواین هه‌ڵوێستی خۆیان له‌سه‌ر بایكۆتی هۆڵه‌كانی خوێندن راگه‌یاند.
یه‌كه‌م: پشتیوانی بایكۆتی خۆرسكانه‌ی مامۆستایان ده‌كه‌ین.
دووه‌م: مامۆستایان و خوێندكاران قوربانی ده‌ستی ده‌سه‌ڵاتن، بۆیه‌ داوایان لێده‌كه‌نی پشتیوانمان بن بۆ نه‌فه‌وتانی ساڵی خوێندنی منداڵه‌كانیان.
سێیه‌م: جه‌خت ده‌كه‌ینه‌وه‌ له‌سه‌ر به‌رده‌وامی هه‌ڵوێسته‌كانمان، تا پێدانی موچه‌ی ته‌واو به‌بێ پاشه‌كه‌وت و له‌كاتی خۆیدا.
چواره‌م: داوای هه‌ڵوێستی روون و ئاشكرا له‌لایه‌نه‌ سیاسییه‌كان ده‌كه‌ین به‌رامبه‌ر به‌داخوازی مامۆستایان.
پێنجه‌م: له‌داهاتوویه‌كی نزیكدا لیژنه‌یه‌ك له‌مامۆستایان له‌ناوچه‌ جیاوازه‌كان ده‌چنه‌ بۆ به‌غدا به‌مه‌به‌ستی جێبه‌جێكردنی داواكارییه‌كانیان.
هه‌ر له‌كۆنگره‌ رۆژنامه‌وانییه‌كه‌دا، مامۆستایانی ناڕازیی په‌یامێكی هه‌ڕه‌شه‌ ئامێزیان ئاڕاسته‌ی لایه‌نه‌كان كردو رایانگه‌یاند: هه‌ر لایه‌نێكی سیاسی هه‌وڵی بێده‌نگكردنی مامۆستایان و فه‌رمانبه‌ران بدات و ناچاریان بكات به‌گه‌ڕانه‌وه‌ بۆ هۆڵه‌كانی خوێندن، ناوه‌كه‌ی بۆ رایگشتی ئاشكرا ده‌كه‌ین.
سه‌باره‌ت به‌هاتنی پشتیوان سادق وه‌زیری په‌روه‌رده‌ بۆ سلێمانی و كۆبوونه‌وه‌ی له‌گه‌ڵ مامۆستایان، مامۆستایانی ناڕازی ره‌تیانكرده‌وه‌ كۆبوونه‌وه‌ له‌گه‌ڵ وه‌زیری په‌روه‌رده‌ بكه‌ن.



نووسراوه‌ له‌لایه‌ن
Raw Raw

مامۆستایان دواین هه‌ڵوێستیان ڕاگه‌یاند لە‌ سە‌ر بایكۆتی خوێندن Reviewed by Unknown on 4:54:00 م Rating: 5

ليست هناك تعليقات:

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.