Top Ad unit 728 × 90

ڕێكلامی بازرگانی (5000 / مانگانه‌)

هەتا ساڵی 2020 هیچ زانكۆ و پەیمانگایەكی ئەهلی نوێ ناكرێتەوە

وتەبێژى وەزارەتى خوێندنى باڵا و توێژینەوەى زانستى ڕایگەیاند: وەزارەت بڕیاردرا بە ڕاگرتنى وەرگرتنى پرۆپۆزڵ بۆ دامەزراندنى زانکۆ و پەیمانگەى تایبەت لە هەرێمى کوردستان.

عەباس ئەکرەم وتەبێژى وەزارەتى خوێندنى باڵا و توێژینەوەى زانستى لە لێدوانێکدا ڕونکردنەوەى زیاتریدا و، ڕایگەیاند: بەفەرمانى وەزارى ژمارە (٢٨٦) کە لە ڕێکەوتى (٢٢/٢/٢٠١٨) بە ئیمزاى (د. یوسف گۆران) وەزیرى خوێندنى باڵا و توێژینەوەى زانستى دەرچوە، بڕیاردرا بە ڕاگرتنى وەرگرتنى پرۆپۆزڵ بۆ دامەزراندنى زانکۆ و پەیمانگەى تایبەت لە هەرێمى کوردستان، ڕونیشیکردەوە ئەو بریارە بۆ دیراسەکردن و هەڵسەنگاندنى دۆخى زانکۆ و پەیمانگە تایبەتەکانى کوردستان.

وتەبێژى وەزارەتى خوێندنى باڵا و توێژینەوەى زانستى وتیشى: بڕیارى ڕاگرتنى وەرگرتنى پرۆپۆزەڵ بۆ دامەزراندنى زانکۆ و پەیمانگەى تایبەت، هاوکاتە لەگەڵ پێکهێنانى (بۆردى باڵاى خوێندنى تایبەت) لە وەزارەتى خوێندنى باڵا و توێژینەوەى زانستى، کە ئەرکى سەرەکى ئەو بۆردە بریتیە لە دیراسەکردنى هەمەلایەنەى دۆخى زانکۆ و پەیمانگە تایبەتەکانى هەرێمى کوردستان و هەڵسەنگاندیان لەڕوى زانستى و ئەکادیمى و کارگێڕى و دارایى و ژێرخانەوە.

لە کۆتایشدا، ئاشکرایکرد ئەو بڕیارە کە پەیوەستە بەڕاگرتنى وەرگرتنى پرۆپۆزەڵ بۆ دامەزراندنى زانکۆ و پەیمانگەى تایبەت لە ڕێکەوتى (٢٢/٢/٢٠١٨) چۆتە بوارى جێبەجێکردنەوە و تا ڕێکەوتى (٣١/١٢/٢٠١٩) بەردەوام دەبێت.

لە ئێستادا لە هەرێمى کوردستان (١٥) زانکۆى تایبەت هەیە، هەروەک چەند زانکۆیەکى دیکەش دواى تێپەڕبون بە پڕۆسەکانى دڵنیاى جۆرى و متمانەبەخشین و سەرجەم ڕێکار و ڕێنماییە یاسایى و کارگێڕییەکاندا ڕەزامەندى ئەنجومەنى وەزارەتى خوێندنى باڵا و توێژینەوەى زانستى و، سەرۆکایەتى ئەنجومەنى وەزیرانیان بۆ دامەزراندن وەرگرتوە، هاوکات (١٠) پەیمانگەى تایبەتیش لە هەرێمى کوردستان هەیە.



نووسراوه‌ له‌لایه‌ن
Raw Raw

هەتا ساڵی 2020 هیچ زانكۆ و پەیمانگایەكی ئەهلی نوێ ناكرێتەوە Reviewed by Unknown on 2:59:00 م Rating: 5

ليست هناك تعليقات:

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.