کاریگەرییە نەرێنیەکانی دڵەڕاوکێ لەسەر جەستە

خەڵکی بە هۆکاری جیاواز توشی دڵەڕاوکێ دەبن کە هەندێکجار بەهۆی کار و پیشەی ڕۆژانەوە یاخود هەر ڕووداوێکی دیکە کە ڕۆژانە بەسەریاندا دێت توشی دڵەڕاوکێ دەبن، ئەمەش هەندێکجار کاریگەری خراپ دەخاتە سەر جەستەی مرۆڤ.

ماڵپەڕی “uk.style – یوکەی ستایل” لە بابەتێکیدا بڵاویکردووەتەوە، ئەگەری هەیە دڵەڕاوکێ هۆکاربێت بۆ هەندێ لە نەخۆشییەکانی جەستەی مرۆڤ.

دڵەڕاوکێی زۆر ئەگەری هەیە خەڵک توشی نەخۆشی شەکرە بکات، یاخود ببێتە هۆکاری بەرز و نزمی ڕیژەی شەکری خوێن لە لەشدا.

هەندێکجار کاتێک کەسێک توشی دڵەڕاوکێ دەبێت ڕەنگە بێهێزی بکات و بورانەوە بەدوایدا بێت، یاخود کەسەکە هەمیشە هەست بە گێژبوون بکات.

دەشکرێت دڵەڕاوکێ وەک هۆکارێکی دروستبوونی سەرئێشە و ئازاری ماسولکەکانی جەستە دابنرێت.

لە هەمان کاتیشدا کاریگەری خراپی هەیە بۆسەر نوستن و کەسەکە توشی کەمخەوی یاخود کەمکردنەوەی خەوێکی تەندروست دەکات.

نووسراوه‌ له‌لایه‌ن
user post