Top Ad unit 728 × 90

ڕێكلامی بازرگانی (5000 / مانگانه‌)

ڕێكخراوی گه‌شه‌پێدانی قوتابیانی كوردستان به‌یاننامه‌یه‌كی بڵاوكرده‌وه‌

مه‌كته‌بی سكرتاریه‌تی رێكخراوی گه‌شه‌پێدانی قوتابیانی كوردستان به‌ بۆنه‌ی كردنه‌وه‌ی ده‌رگای قوتابخانه‌كان وده‌ست پێكی خوێندنی ساڵی (2017 – 2018) و سه‌ركه‌وتنی پرۆسه‌ی ریفراندۆم پیرۆزباییه‌ك ئاراسته‌ ده‌كات.

ئه‌مه‌ ده‌قه‌كه‌یه‌تی:

به‌ناوی خوای گه‌وره‌ و میهره‌بان

به‌یاننامه‌ی رێكخراوی گه‌شه‌پێدانی قوتابیانی كوردستان به‌ بۆنه‌ی ساڵی نوێی خوێندنی (2017 -2018).

قوتابیانی خۆشه‌ویست 
مامۆستایانی په‌روه‌رشیار و ماندونه‌ناس
هاوڵاتیانی كوردستان
سڵاوی په‌روه‌رده‌ – زانست – داهێنانتان لێبێت

به‌ بۆنه‌ی كردنه‌وه‌ی ده‌رگای قوتابخانه‌كان وده‌ست پێكی خوێندنی ساڵی (2017 – 2018) و سه‌ركه‌وتنی پرۆسه‌ی ریفراندۆم گه‌رمترین پیرۆزبایتان ئاراسته‌ ده‌كه‌ین،ئومێده‌وارین ساڵی نوێ ى خوێندن ساڵی به‌دیهێنانی سه‌ربه‌خۆیى و دروست بوونى كۆماری كوردستان بێت، له‌هه‌مان كاتدا هیواخوازین ره‌وشی په‌روه‌رده‌ و خوێندن له‌ ساڵانی رابردوو باشتر بێت و هیوا و ئومێد و گه‌ش بینی بۆ پرۆسه‌ی په‌روه‌رده‌ و خوێندن بگه‌رێته‌وه‌ و قوتابیان به‌شه‌یداوه‌ به‌ره‌و هۆڵه‌كانى خوێندن هه‌نگاو بنێن و خوێندنێكى سه‌ركه‌وتوو له‌م ساڵدا تۆمار بكه‌ن.
له‌كاتی ده‌ست پێكی خوێندنی ساڵی نوێ، وڵاتمان به‌ بارودۆخێكی هه‌ستیاردا گوزره‌ ده‌كات، كێشه‌ كه‌ڵه‌كه‌بوه‌كانی ساڵانی رابردوی پرۆسه‌ی په‌روه‌رده‌ و خوێندن چاره‌سه‌ر نه‌كراوه‌،وه‌ك قه‌یرانی دارایی و كێشه‌ی چاره‌كه‌ موچه‌ و بژێوی مامۆستایان و نه‌مانی ده‌رماڵه‌ی قوتابیان و وه‌رگرتنی پاره‌ی به‌شه‌ ناوخۆییه‌كان و چاره‌سه‌رنه‌كردنى به‌ربه‌ست و گرفته‌كانى به‌رده‌م پرۆسه‌ى خوێندن ئه‌گه‌رى گه‌رانه‌وه‌ی كه‌رتی په‌روه‌رده‌ وخوێندنی باڵا یه‌ له‌ هه‌رێمی كوردستان بۆساڵانی رابردو كه‌ رێژه‌ی نه‌خوێنده‌واری تێدا زۆر بوو.
رێكخراوه‌كه‌مان هه‌میشه‌ له‌ هه‌وڵی باشتركردنی پرۆسه‌ی په‌روه‌رده‌و خوێندنی باڵادا بووه‌، داكۆكیكارێكی سه‌رسه‌ختی مافه‌ره‌واكانی قوتابیان و مامۆستایان بووین و ده‌بین، هاوكات پردێك بوینه‌ بۆ گه‌یاندنی مافه‌كانی قوتابیان و مامۆستایان به‌ لایه‌نی په‌یوه‌ندیدار و خزمه‌تكردنی قوتابیان ئه‌ركمانه‌ و پێوه‌ى شه‌ره‌ف مه‌ند بووین.
ئیمه‌ له‌ رێكخراوی گه‌شه‌پێدان سه‌ره‌رای پیرۆزبایكردنمان له‌ قوتاببانی هه‌ڵگری زانست و مامۆستایانی تێكۆشه‌ر جه‌خت له‌سه‌ر ئه‌م چه‌ند خاڵه‌ی خواره‌وه‌ ده‌كه‌ین.

1- گه‌رانه‌وه‌ی شكۆ بۆ مامۆستایان و پرۆسه‌ی په‌روه‌رده‌و فێركردن،باشكردنی بارودۆخ و گوزرانی مامۆستایان و نه‌هێشتنى پاشه‌كه‌وتى موچه‌.
22- بنبڕكردنی ده‌ستی حزب له‌ ناوه‌نده‌كانی خوێندن،قوتابیان و سیسته‌می په‌روه‌رده‌ تێكه‌ڵ به‌ ململانێ سیاسی نه‌كرێت.
3- پێدانی ده‌رماڵه‌ به‌ قوتابیانی زانكۆو په‌یمانگاكان.
4-وه‌رنه‌گرتنی پاره‌و رسوماتی خوێندن و به‌شه‌ ناوخۆیه‌كان له‌ قوتابیانی زانكۆ.
55-پشتگیری له‌ قوتابیان ده‌كه‌ین له‌ دابین كردنی مافه‌سه‌ره‌تایه‌كانیان وه‌كو (هۆڵه‌كانی وانه‌ خوێندن،ئاو ،كاره‌با…هتد).

دووباره‌ پیرۆزه‌ ساڵی نوێی خوێندن له‌ ته‌واوی قوتبیان و مامۆستایان،سه‌ركه‌وتووبن.

رێكخراوی گه‌شه‌پێدانی قوتابیانی كوردستان 
مه‌كته‌بی سكرتاریه‌ت 
هه‌ولێر 2/10/2017

 



نووسراوه‌ له‌لایه‌ن
qasm srush

ڕێكخراوی گه‌شه‌پێدانی قوتابیانی كوردستان به‌یاننامه‌یه‌كی بڵاوكرده‌وه‌ Reviewed by Unknown on 11:59:00 م Rating: 5

ليست هناك تعليقات:

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.