تایبەتمەندییەکی نوێ بۆ فەیسبووک زیاد دەکرێت

بەرپرسانی تۆڕی کۆمەڵایەتیی (فەیسبووک)، تایبەتمەندییەکی نوێ بۆ تۆڕەکەیان زیاد دەکەن.

دوێنێ شەممە 30/9/2017، میدیا تەکنۆلۆژییە جیھانییەکان بڵاویان کردەوە، کە لە داھاتوویەکی نزیکدا، بەرپرسانی کۆمپانیای فەیسبووک، تایبەتمەندیی (ناسینەوەی دەموچاو) بۆ تۆڕەکەیان زیاد دەکەن.

باس لەوەش کراوە، کە زیادکردنی ئەو تایبەتمەندییە بۆ ئەوەیە، فەیسبووکی خەڵکی، زیاتر پارێزراو بێت، ھەروەھا بۆ ئەوەی بە ئاسانی بچنە نێو ھەژماری تایبەتیی خۆیان، لەنێو تۆڕە کۆمەڵایەتییەکەدا.

فەیسبووک لە ساڵی 2004دا کارا کرا، ئێستاش لە سەرانسەری جیھاندا بەکارھێنەرێکی زۆری ھەیە، ھەروەھا بە یەکەمین تۆڕی کۆمەڵایەتی دادەنرێت، بەرپرسانی کۆمپانیای (فەیسبووک)ی ئەمریکیش، بەردەوام خزمەتگوزاریی بەسوود، بۆ تۆڕەکەیان زیاد دەکەن.

نووسراوه‌ له‌لایه‌ن
user post