بەبێبەرامبەر كورسی خوێندن لەبەشی یاسا بۆ ئەم خوێندكارانە دابیندەكرێت

هەلی خوێندن بە بێبەرامبەر بۆ خوێندكارانی كوڕو كچی شەهید لەبەشی یاسای زانكۆكی هەلەبجە دەڕەخسێندرێت، سەرۆكی زانكۆی هەڵەبجەش ڕایدەگەیەنێت، “لەلایەن وەزارەتی شەهیدان و ئەنفالكراوانەوە پارەكەیان بۆ دەدرێت”.

ئاراس مستەفا سەرۆكی زانكۆی هەڵەبجە بەوەكالەت ڕایگەیاند، “بەگوێرەی ئەو نوسراوەی لەلایەن وەزارەتی شەهیدانەوە بۆمان هاتوە، خوێندن لەبەشی یاسا بۆ كوڕو كچی شەهیدان بێبەرامبەر دەبێت و لەلایەن وەزارەت خۆیەوە پارەكەیان بۆ دابیندەكرێت”.

لای خۆیشیەوە نەجمەدین هادی بەڕێوەبەری تۆمارگەی گشتیی زانكۆی هەڵەبجە بەچۆنێتی وەرگرتنی خوێندكارانیشی ئاشكراكردو بۆ SNN وتی:”مەرجی نمرەی ئەو خوێندكارەی كە داواكاری پێشكەشدەكات ئەگەر 35 نمرەشی كەمتربێت لەكۆنمرەی بەشی یاسا، ئەوا دەتوانێت داواكاری پێشكەشبكات”.

وتیشی:”بۆ مەرجی تەمەن پێویستە داواكار لە 40 ساڵ زیاترنەبێت و دەرچوی تا پێنج ساڵ پێش ئێستاش بەهەمانشێوە دەتوانێت داواكاریی پێشكەشبكات”.

ئەوەشیخستەڕوو، خوێندكاران جگە لەبەشی ئێواران، دەتوانن لەبەیانیانیش داوا پێشكەشبكەن بۆ خوێندن و دابینكردنی پارەكەش لەلایەن وەزارەت یان لەلایەن زانكۆكەوە دەبێت، ئەنجومەنی زانكۆكەش بەگوێرەی توانای خۆیان بڕیاردەدات.

نووسراوه‌ له‌لایه‌ن
qasm srush