ئیمتیازاتەکانى خوێندنى باڵاى عێراق کەسوکارى شەهیدانى پێشمەرگەش دەگرێتەوە
یاریدەدەرى سەرۆکى زانکۆى کەرکوک ڕایگەیاند، ئەمساڵ کەسوکارى شەهیدانى پێشمەرگەش سودمەند دەبن لە ئیمتیازاتەکانى وەزارەتى خوێندنى باڵاى عێراق.
وەزارەتى خوێندنى باڵا و توێژینەوەى زانستى عێراق لە هەژمارى تایبەتى خۆى لە تۆڕى کۆمەڵایەتى فەیسبوک بڵاویکردووەتەوە، کە یاریدەدەرى سەرۆکى زانکۆى کەرکوک بەبێ ئەوەى ناوى بهێنێت ڕایگەیاند “بەپێى بڕیارێکى وەزارەتى خوێندنى باڵا بۆ ئەمساڵ کەسوکارى شەهیدانى هێزەکانى پێشمەرگەش ئیمتیازاتەکانى خوێندنى باڵا دەیانگرێتەوە”.
هەروەها وتیشى “ئیمتیازاتەکان کە ٧ نمرە دەخرێتەسەر نمرەى کۆتایى ساڵیان لە قۆناغى ٦ى ئامادەیى، هەروەها کورسى تایبەتیان بۆ دابین دەکرێت لە خوێندنى باڵا بۆ ماستەر و دکتۆرا”.
ئەوەش لەکاتێکدایە کە پێشتر ئەم ئیمتیازاتانە تەنیا بۆ کەسوکارى شەهیدانى هێزە ئەمنییەکانى عێراق بوو، بەڵام بەپێى یاساى ژمارە(٢)ى ساڵى ٢٠١٦ وەزارەتى شەهیدان لەمەوداو کەسوکارى پێشمەرگەش دەگرێتەوە.
ئەم بڕیارەش بۆ پارێزگاکانى عێراق و کەرکوک دەبێت، ئەو خوێندکارانەش دەگرێتەوە لە هەرێمەوە دەیانەوێت لە زانکۆکانى پارێزگاکانى عێراق بخوێنن و هەرێم ناگرێتەوە.
نووسراوه له‌لایه‌ن
user post
Reviewed by Unknown
on
5:35:00 م
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: