مەترسیەکانی ئەبو ھورەیرە

مەترسیەکانی ( ئەبوهورەیرە ) کە گوێ لە وتارێکی ئاینی دەگریت ، ووتەبێژ هێندەی فەرمودەی پێغەمبەر دێنێتەوە، هێندە پشت بە ئایەتەکانی قورئان نابەستێ بۆ بیروبۆچونەکانی. تەنانەت کە پەناش بۆ ئایەتەکان ببرێت هێندەی بۆ بەرژەوەندی و سەپاندنی دەسەڵاتە هێندە بۆ هوشیارکردنەوە و پێگەیاندن نیە.  لەم نێوەندەدا من ( ئەبوهورەیرە) تۆمەتبار ئەکەم. ئەم پیاوە هێندە وتەی لە پێغەمبەر گێراوەتەوە و کارئاسانیەکی کردوە بۆ نەخوێندەوار و مەلا و شێخ و مەشایەخ تا چیرۆکەکانی لەبەر بکەن و پێمانی بفرۆشنەوە و هەمومانی لە رێی راستەقینە لاداوە و فیکرو ئەندێشەمان بەلای قورئانەوە نەماوە کە وتەی خوای گەورەیە. پێم وایە ئێمە ئەمرۆ ئەوەندەی لە بەردەم ئیسلامێکی ( ئەبوهورەیرەیداین ) هێندە لە ئیسلامێکی محەمەدیەوە نزیک نین. لای شیعە وەک ( سدوقی ) دەڵێت : سێ کەس درۆیان بەدەم پێغەمبەرەوە کردوە کە یەکیان ( ئەبوهورەیرە )یە. ( ئایشە ) ی ژنی پێغەمبەر پێی وتوە: ئەوە تۆ چەند لە خزمەت پێغەمبەردا بویت تا ئەم هەموو فەرمودانەت لێ بیستبێ؟  دەڵێن ( عومەر )یش دوای ئەوەی کردی بە ( والی ) پەشیمان بوەوەو پلەکەی لێسەندەوە.  بەڵام هیچ لەم دەربرینانە لەو راستیە ناگۆڕن تازە ئێمە لەبەردەم ئیسلامێکداین کە سێ لەسەر چواری لەسەر قسەکانی ( ئەبوهورەیرە ) بنیات نراوە و شێوازی هەویرێکی پلاستیکی وەرگرتوە کە بە هەموو بارێکدا دەکشێ و لە هیچ شوێنیکیشدا ناپچڕێ و [...]

نووسراوه‌ له‌لایه‌ن
zankoline