ئەو دەرفەتەی خوێندکاران بۆلی ۱۲ ی ئامادەیی کەمترین زانیارییان هەیە لە بارەیەوە

(چاککردنی تێکڕا ) ئەو دەرفەتەی خوێندکاران بۆلی ۱۲ ی ئامادەیی کەمترین زانیارییان هەیە لە بارەیەوە

ئەو خوێندکارانەی هەموو تاقیکردنەوەکانیان کردوە و دەرچوون ، ئەگەر نمرەکەت بەدڵ نییە یان نمرەکانتان ئەوندە کەمە ناوتان لە زانکۆ و پەیمانگاکان نایەتەوە نائومێد مەبن ئەتوانن سوود لە چاککردنی تێکڕا (بەرزکردنەوەی معدل) وەربگرن

١- نمرەی دەرچونت هەر چەند بێت بۆت هەیە لە ساڵی دواتر لە خولی یەکەم یان خولی دووەم تێکڕای نمرەکانت (معدل) بەرز بکەیتەوە.

۲- تەنها بۆ یەک ساڵ بۆت هەیە.

۳- ئەگەر تاقیکردنەوەی چاککردنی تێکڕات کرد و لە خولی یەکەم دەرچویت ئەوا بۆت نیە لە خولی دووەم بەشداری بکەیتەوە.

٤- پێویستە لە هەموو وانەکان تاقیکردنەوە بکەیت (واتە ناتوانی وانەکان هەڵبژێریت).

٥- تەنها لە یەک ساڵ زیاتر بۆت نیە تاقیکردنەوەی چاککردنی تێکڕا بکەیت ئەویش ڕاستەوخۆ دوای ساڵی دەرچونی ئامادەی (واتە نابێت پچران هەبێت لە نێوان ساڵی دەرچون و ساڵی چاککردنی تێکڕا).

٦- ئەگەر نمرەکانی (١٠ و ١١)ت بۆ هەژمار بکرێت وەکو خۆی دەمێنێتەوە و دەستکاری ناکرێت.

۷- ئەگەر بتەوێت چاککردنی تێکڕا بکەیت نابێت فۆڕمی زانکۆ پڕ بکەیتەوە بە پێچەوانەوە بێ بەش دەبیت. 

٨- ئەو خوێندکارانەی تاقیکردنەوەی چاککردنی تێکڕا ئەکەن ئەبیت لە ١/١١ بڕیاری خۆی پێشکەش بە پەروەردەی شارەکەی بکات (لەکاتی بڕیاردان پرسیاری بەروارەکە بکە لە پەروەردەی ناوچەکەت).

۹- لە کاتی بڕیار دان لە ڕێگای خوێندنگاکەتەوە داواکاری پێشکەش بە پەروەردە بکە و فۆڕمی تایبەتیت پێ پڕدەکەنەوە.

۱۰- خوێندکار سەرپشک دەبیت لە هەڵبژاردنی نمرەی یەکێک لەو دوو ساڵە.

۱۱- خوێندکار ئەگەر لە تاقیکردنەوەی چاککردنی تێکڕا گزی (قۆپی) بکات ئەوا بڕوانامەی ساڵی پیشتریشی لەدەست دەدات و پێویستە جارێکی تر بە رێگای تاقیکردنەوەی دەرەکی (بەرایی) بەشداری تاقیکردنەوە بکات و بڕوانامەی ئامادەیی بەدەست بهێنێت.

۱۲- ئەگەر خوێندکار لە تاقیکردنەوەی چاککردنی تێکڕا دەرنەچوو بە خولی یەکەم و دووەمیش ئەوا نمرەکانی ساڵی پێشوی بۆ ئە‌ژمار دە‌كرێ.

نووسراوه‌ له‌لایه‌ن
Aram Jamal