كومبونه‌كا هه‌ڤپشكا وه‌زاره‌تا په‌روه‌ردێ ورێڤه‌به‌ريا گشتى لدور چه‌ندين پرسێن گرنك هاته‌ كرن

ئه‌ڤرو رێكه‌فتى 30/7/2017 ول دوم ژمێر (10:00) سپێدێ كومبونه‌كا هه‌ڤپشكا ليژنا وه‌زاره‌تا په‌روه‌ردێ ورێڤه‌به‌ريا گشتى يا په‌روه‌ردێ ل پارێزگه‌ها دهوكێ لدور چه‌ندين پرسێن گرنگ ل كوچكا ديوانا رێڤه‌به‌ريا گشتى يا په‌روه‌ردێ ل دهوكێ هاته‌ كرن .

دكومبونێ دا ب ئاماده‌بونا به‌رێزان ( د. احمد محمد قرنى) شيره‌تكارێ وه‌زيرێ په‌روه‌ردێ رێڤه‌به‌رێ گشتى يێ خواندنا بنه‌ره‌تى ل ديوانا وه‌زاره‌تێ و(عمر على تاها ) رێڤه‌به‌رێ گشتى يێ په‌روه‌ردێ ل پارێزگه‌ها دهوكێ ب وه‌كاله‌ت و( يوسف عثمان يوسف )رێڤه‌به‌رێ گشتى يێ پلاندانانێ ل ديوانا وه‌زاره‌تێ و( عبدالله حمد امين ) رێڤه‌به‌رێ مه‌شق وراهێنانێ ل رێڤه‌به‌ريا گشتى يا په‌يمانگه‌ها ل ديوانا وه‌زاره‌تێ و هه‌مى رێڤه‌به‌رێن په‌روه‌ردێن قه‌زايێن سه‌ر ب پارێزگه‌ها دهوكێ ڤه‌ و نوينه‌رێ رێڤه‌به‌ريا سه‌رپه‌رشتيا په‌روه‌رده‌يى ودلنيا جورى و سه‌رپه‌رشتێن ئێكێ ل په‌روه‌ردێن قه‌زا وژماره‌كا سه‌رپه‌رشتياران ورێڤه‌به‌ريا رێڤه‌به‌ريا مه‌شق وراهێنانێ سه‌ر ي په‌روه‌ردا گشتى ڤه‌ و رێڤه‌به‌رێ قوتابخانا سه‌رده‌م و رێڤه‌به‌رێ په‌يمانگه‌ها راهێنان وگه‌شه‌پێدانا په‌روه‌رده‌يى وبه‌رپرسێ خواندنا ئيسلامى ل په‌روه‌ردا گشتى ، چه‌ندين پرسێن گرنگ گڕيداى پروسا په‌روه‌رده‌ وفێركرنێ ل پارێزگه‌ها دهوكێ هاتنه‌ گه‌نگه‌شه‌كرن .

ل به‌راهيێ رێزدار عمر على تاها رێڤه‌به‌رێ گشتى يێ په‌روه‌ردێ ب وه‌كاله‌ت سه‌ره‌راى ب خێرهاتنا شاندێ وه‌زاره‌تا په‌روه‌ردێ دياركر كو سالا خواندنێ 2016/2017 ب ئارامى وسه‌ركه‌فتى ده‌ربازبوو وده‌ست خوشى وپيروزباهى ل رێڤه‌به‌ريێن په‌روه‌ردان كر كو قوتابيێن وان ئاست وپلێن باش لسه‌ر ئاستێ كوردستانێ بده‌ستڤ ئيناين .

پاشى ئه‌جندێن كومبونێ هاتنه‌ دياركرن وئاماده‌بويان دان وستاندن سه‌ر ڤان خالێن گرنك كرن .

1. دويڤ چونا سالا خواندنێ 2016/2017 ژهه‌ر رويه‌كى ڤه‌ .

2. رێكخستنا ميلاكى ب شێوه‌يه‌كێ گشتى .

3. پروسا ئينگليزيكرنا بابه‌تێن (بيركارى وزانسته‌كان ) وبه‌رده‌وام دان ب ڤێ پروسێ ، كێشه‌ وگرفتێن هه‌ين سه‌باره‌ت ڤێ پروسێ .

4. ئاريشا كێماسيا ميلاكى ودويتنا چاره‌سه‌ريان .

5. ڤه‌گوهاستنا ماموستايان .

6. خواندنا ئيسلامى پشتى هاتيه‌ سه‌ر ب وه‌زاره‌تا په‌روه‌ردێ دويتن وبوچون ، كێشه‌ وگرفتێن هه‌ين .

7. قوتابخانێن سابيس (SABIS) يێن هه‌ڤپشك دناڤبه‌را كومپانيێ ووه‌زاره‌تا په‌روه‌ردێ .

8. راگه‌هاندن ورولێ وێ سه‌باره‌ت پروسا ئينگليزيكرنا بابه‌تێن (بيركارى وزانسته‌كان )

9. پلانا سالا بهێت يا خواندنێ 2018/2017 .

دكومبونێ دا ئاماده‌بويان دان وستاندن لسه‌رڤان خالان كر وهه‌رئێك ژ ئاماده‌بويان راپورته‌ك لسه‌ر ڤان خالان پێشكێشى ليژنا وه‌زاره‌تێ كرن .

http://www.perwerdagduhok.net/