Top Ad unit 728 × 90

ڕێكلامی بازرگانی (5000 / مانگانه‌)

حكومه‌ت پڕۆژه‌یه‌كی نیشته‌جێبوون بۆ مامۆستایان ده‌خاته‌ بواری جێبه‌جێكردنه‌وه‌

ئه‌و پرۆژه‌ نیشته‌جێبوونه‌ی كه‌ حكومه‌ت به‌ڵێنیدابوو بۆ مامۆستایانی ناوچه‌ی گه‌رمیان دروستی بكات، كه‌وته‌ بواری جێبه‌جێكردنه‌وه‌و مامۆستایانی ناوچه‌كه‌ش له‌نێوان خۆیاندا لیژنه‌یه‌ك بۆ چاودێریكردنی ته‌واوبونی پرۆژه‌كه‌و دابه‌شكردنی پێكده‌هێنن.
 ئه‌حمه‌د گه‌رمیانی، جێگری سه‌رۆكی یه‌كێتی مامۆستایانی كوردستان، ڕاگه‌یاند: دوای هه‌وڵێكی زۆر، ئه‌نجومه‌نی وه‌زیرانی هه‌رێم واژۆی له‌سه‌ر جێبه‌جێكردنی پرۆژه‌ی نیشته‌جێبوونی مامۆستایانی گه‌رمیان كرد، بۆئه‌وه‌ی بخرێنه‌ بواری جێبه‌جێكردنه‌وه‌.

به‌گوێره‌ی نوسراوێكی ئه‌نجومه‌نی وه‌زیرانی هه‌رێم، كه‌ واژۆی نێچیرڤان بارزانی سه‌رۆكی ئه‌نجومه‌نی باڵای وه‌به‌رهێنه‌رانی له‌سه‌ره‌، ڕۆژ 10ی ئایاری 2017، بڕیاردراوه‌ مۆڵه‌ت بدرێت به‌پرۆژه‌ی وه‌به‌رهێنان بۆ جێبه‌جێكردنی پرۆژه‌ی نیشته‌جێبوون بۆ مامۆستایان و فه‌رمانبه‌ران، ئه‌و بڕیاره‌ش به‌ده‌ر بكرێت له‌هه‌رسێ بڕیاره‌كانی ئه‌نجومه‌نی وه‌به‌رهێنه‌ران، كه‌ په‌یوه‌ست بوون به‌ڕاگرتنی پرۆژه‌ی نیشته‌جێبوون.

جێگری سه‌رۆكی یه‌كێتی مامۆستایان وتیشی:” به‌مه‌به‌ستی دابینكردنی یه‌كه‌كانی نیشته‌جێبوون كه‌ هه‌زارو 500 خانوو له‌خۆده‌گرن، زه‌ویمان دیاریكردووه‌و بۆئه‌و مه‌به‌سته‌ش له‌گه‌ڵ كۆمپانیای وه‌به‌رهێنه‌ر گرێبه‌ستمان واژۆكردووه‌، ده‌مانه‌وێت نرخێكیش بۆ خانووه‌كان و بڕی قیستی مانگانه‌ش دیاری بكه‌ین كه‌ له‌گه‌ڵ موچه‌ی ئه‌مڕۆی مامۆستایان بگونجێت”.

جه‌ختیكرده‌وه‌، ئه‌و خانووانه‌ سه‌رجه‌م مامۆستایان به‌مامۆستایانی زانكۆشه‌وه‌ ده‌گرێته‌وه‌و ده‌توانن لێی سودمه‌ندبن و داواشیكرد، مامۆستایان پشوویان درێژ بێت له‌گه‌ڵ بارودۆخه‌كه‌و وتی: “به‌زووترین كاتیش پرۆژه‌كان ته‌واو ده‌كه‌ین”.

له‌هه‌وڵێكیشدا بۆ رێگریكردن له‌ دابه‌شكردنی ئه‌و خانووانه‌ به‌شێوه‌ی نایاسایی و جیاوازیكردن له‌نێوان مامۆستایان، ژماره‌یه‌ك له‌ مامۆستایانی كه‌لار لیژنه‌یه‌كی خۆبه‌خشیان پێكهێناوه‌.

به‌وته‌ی یه‌كێك له‌ مامۆستایانی قه‌زاكه‌، كاری لیژنه‌كه‌ بریتی ده‌بێت له‌ چاودێریكردنی چۆنیه‌تی دروستكردنی پرۆژه‌كه‌و دابه‌شكردنی به‌سه‌ر مامۆستایان به‌شێوه‌ی یاسایی و به‌دووری بێت له‌ واسته‌كاری.

15520171753880_briarrr-hkwmat



نووسراوه‌ له‌لایه‌ن
qasm srush

حكومه‌ت پڕۆژه‌یه‌كی نیشته‌جێبوون بۆ مامۆستایان ده‌خاته‌ بواری جێبه‌جێكردنه‌وه‌ Reviewed by Xwendga Kurdish on 1:49:00 م Rating: 5

ليست هناك تعليقات:

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.