رێڤه‌به‌رێ‌ په‌روه‌ردا رۆژئاڤا 18 شواتێ‌ ل قوتابی و لاوان پیرۆز دكه‌ت

عومه‌ر ئه‌حمه‌د قاسم رێڤه‌به‌رێ‌ په‌روه‌ردا دهۆك رۆژئاڤا ئه‌ڤرۆ 18/2/2017 ب هه‌ڤالینیا شانده‌كی ب مه‌ره‌ما پیرۆزكرنا 18 شواتێ‌ سه‌ره‌دانا باره‌گه‌هێن ئێكه‌تیا قوتابیێن كوردستانێ‌ و ئێكه‌تیان لاوێن دیمۆكراتا كوردستانێ‌ كرن.
رێڤه‌به‌رێ‌ په‌روه‌ردا دهۆك رۆژئاڤا و شاندێ‌ ل گه‌ل دا ژ لایێ‌ به‌رپرس و كادر و ئه‌ندامێن هه‌ردو ئێكه‌تیێن ناڤهاتی ڤه‌ هاتنه‌ پێشوازی كرن و هه‌لكه‌فتا 64 سالیا دامه‌زراندنا ئێكه‌تیا قوتابیێن كوردستانێ‌ و ئێكه‌تیان لاوێن دیمۆكراتا كوردستانێ‌ ل وان پیرۆز كرن و هیڤی خواستن كو ئه‌ڤ هه‌ردو ئێكه‌تیه‌ هه‌ر د پێشڤه‌چوونێ‌ دا بن و به‌رده‌وام خزمه‌تا قوتابی و لاوان بكه‌ن.