سەرنجى ڕێزمانى

سەرنجى ڕێزمانى

بەشى دووەم 

م.یونس سلێمان ئەحمەد

لە بابەتى تەواوکەرى بەیاریدە و هاوەڵکار لێکچوونێک هەیە دەبێت لە یەکترى جیابکەینەوە:

تەواوکەرى بەیاریدە ئەو ناوە یان جێناوەیە کە بە یاریدەى ئامرازى پەیوەندى واتاى کارى تەواو و ناتەواو تەواو دەکات.

نموونە:

- وتارەکەم لە ڕۆژنامەکە بڵاوکردەوە.
 لەو ڕستەیەى سەرەوەدا ( لە ڕۆژنامەکە) تەواوکەرى بەیاریدەیە.

هەرچى هاوەڵکارە ئەو وشەیە کە کات یان شوێن یان چۆنیەتى یان چەندێتى کارمان بۆ ڕوون دەکاتەوە.

- وتارەکەم لە هۆڵەکە خوێندەوە.
لەو ڕستەیەى سەرەوەدا ( لە هۆڵەکە) هاوەڵکارى شوێنیە.
 لێرەوە دەتواتین بڵێن هەر کاتێک ئامرازى پەیوەندى لەگەڵ وشەیەکدا هات کە کات و شوێن یان چۆنیەتى نەگەیاند تەواوکەرى بەیاریدەیە، بەپێچەوانەشەوە ئەگەر کات یان شوێن یان چۆنیەتى گەیاند دەبنە هاوەڵکار.

یاریزانەکە لە یاریگاکەدا بەباشى یاریکرد.
 لەو ڕستەیەى سەرەوەدا ( لە یاریگاکەدا، بەباشى) دەبنە هاوەڵکار نابنە تەواوکەرى بەیاریدە.

- لە ساڵى ڕابردوودا خوێندکارەکان نمرەى بەرزیان بە دەستهێنا.

لەو ڕستەیەدا ( لە ساڵى ڕابردوودا) هاوەڵکارى کاتیە.

- ئێمە لە کارەکەدا سەردەکەوین.
لەو ڕستەیەدا ( لە کارەکەدا) تەواوکەرى بەیاریدەیە.

نووسراوه‌ له‌لایه‌ن
ڕێزمانی کوردی