ئامادهكارى بو پلانا سالا بهێت دكومبونا جڤاتا پهروهردێ دا دهێنه كرن
ئهڤرو سپێدێ رێكهفتى 1/12/2016 كومبونا جڤاتا پهروهردێ ل پارێزگهها دهوكێ ب سهروكاتيا بهرێز عمر علي تاها رێڤهبهرێ گشتى يێ پهروهردێ ل پارێزگهها دهوكێ ب وهكالهت ل كوچكا ريڤهبهريا گشتى برێڤهچوو .
دكومبونێ دا و ب ئامادهبونا ههردوو هاريكارێن ريڤهبهرێ گشتى و رێڤهبهرێن پهروهردێن قهزايێن سهر ب پارێزگهها دهوكي ڤه و رێڤهبهرێ رێڤهبهريا سهرپهرشتيا پهروهردهيى ودلنيا جورى ل پارێزگهها دهوكێ وريڤهبهرێن رێڤهبهريێن سهر ب رێڤهبهريا گشتى يا پهروهردێ دان وستاندن لسهر چهندين تهوهرێن گرێداى پروسا پهروهرده وفێركرنێ ل پارێزگهها دهوكێ هاتنه كرن .
دكومبونێ دا رێزدار ريڤهبهرێ گشتى يێ پهروهردێ ب وهكالهت بهحسێ كومبونا وهزارهتا پهروهردێ دگهل سهروكاتيا حكومهتا ههرێما كوردستانێ سهبارهت ئاريشا ماموستايان وئهو بريارێن هاتينه دان دوي كومبونێ كو حكومهتا ههرێما كوردستانێ بريار داى 100 هزار بو ماموستايێن دناڤ سهنتهرێن باژيران دا و 150 هزار دينار بو ماموستايێن هاتن وچوونێ دكهن كو برياره ژ 1/12/2016 دهست پێبكهت .
تهوهرێ سهرهكى يێ كومبونێ لسهر پلانا سالا بهێت يا پهروهردێ ل پارێزگهها دهوكێ بهێته دارێژتن وئامادهكارى بهێنه كرن كو پلانهكا سهرتاسهرى بيت كو ههمى بياڤێن ب پهروهردێ ڤه بگريت نهخاسمه بابهتێ ميلاك ودويتنا چارهسهريێن گونجاى بو چارهسهركرنا كێماسيێن ههين ، ئاڤاهى وكێماسيان قوتابخانان ونههێلانا ئاريشا 3 دهوامى، دويتنهك و ئاليهتا كاركرنێ وچهوانيا دويف چون وسهرپهرشتيا قوتابخانێن ئههلى وپيشهى بهێته ئامادهكرن دناڤ پلانا سالا بهێت بو چارهسهركرنا ئاريشهيێن ههين كو گرێداى قوتابخانێن ئههلى ، فروشگههێن قوتابخانا ودارێژتنا پلانهكا گونجاى سهبارهت چهوانيا كرێگرتنا ودابهشكرنا وى داهاتى ، پروسا سهرپهرشتى كرنێ وداخواز هاته كرن ژ رێڤهبهريا سهرپهرشتى يا پهروهردهيى ودلنيا جورى هاته كرن ئامادهكارييهكا باش بو دارێژتنا پلانێ بهێته كرن .
ههر دكومبونێ دا هاته دياركرن كو نێزيك دێ گازا سپى هێته بهلاڤكرن لسهر ههمى قوتابخانێن پارێزگهها دهوكێ پشتى دهێته وهرگرتن ژ ژيدهرێ دابينكرنا گازێ ل كهورگوسكێ ل ههولێرێ بو قوتابخانێن سهر ب پهروهردا گشتى ڤه ل پارێزگهها دهوكێ .
تهوهرێ دووێ يێ كومبونێ لسهر توماركرنا بايومهترى بو وداخواز ژ ههمى رێڤهبهريان هاته كرن كو ههمى بزاڤ بهێنه كرن ههمى فهرمانبهر وماموستا وقوتابيێن وان ژيێ وان 18 سالى بهێنه توماركرن ل بنگههێن توماركرنا بايومهترى .
ديسان دكومبونێ چهندين بابهتێن دى هاتنه بهحسكرن وگهنگهشه لسهر هاته كرن .
http://www.perwerdagduhok.net/
The post ئامادهكارى بو پلانا سالا بهێت دكومبونا جڤاتا پهروهردێ دا دهێنه كرن appeared first on رێڤەبەریا پەروەردا قەزا دهوك روژئاڤا.
نووسراوه لهلایهن
azad nisry
Reviewed by Unknown
on
8:46:00 م
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: