سوودەکانى وازهێنان لەخواردنى گۆشت

بەپێى ماڵپەڕى"Russiantoday"ى، پسپۆڕانى خۆراک ئەوەیان ڕوونکردەوە کە وازهێنان لەخواردنى گۆشت لەژەمە خۆراکییەکاندا کۆمەڵێک سوودى زۆرى دەبێت بۆ تەندروستى لەش.

ئەو ماڵپەڕە هەواڵەکەى لەماڵپەڕى"ئیندیپێندت"ى بەریتانیەوە وەرگرتووە، تێیدا ئەو خاڵانە ڕووندەکاتەوە کە وازهێنان لەخواردنى گۆشت دەرئەنجامى بەسوودى دەبێت لەسەر تەندروستى لەش.

حەوت دەرئەنجامى وازهێنان لەخواردنى گۆشت لەژەمەکاندا :

دابەزینى کێش، وازهێنان لەخواردنى گۆشت دەبێتە هۆى دابەزینى ٤.٥کیلۆ لەکێشى لەشى کەسە ئاساییەکاندا، بەپێى توێژینەوەیەکى زانکۆى پزیشکى"جۆرج واشنتۆن" لەواشنتۆنى پایتەختى ئەمەریکا، کەلەسەر ١٥ توێژینەوەى جیاواز لەوڵاتەکانى ئەوروپا و ئەمەریکا ئەنجامدراوە دەرکەوتووە کە خواردنى ڕووەکى هۆکارە بۆ دابەزینى کێش.

کەمکردنەوەى نەخۆشیەکانى دڵ، پەیڕەوکردنى سیستمى خۆراکى ڕووەکى دەبێتە هۆى کەمبوونەوەى ڕێژەى کۆلیستڕۆڵى خوێن و پەستانى خوێن.

ڕێگریکردن لەنەخۆشى شەکرە، توێژینەوەکان ئەوەیان دەرخستووە کە ئەو کەسانەى هەفتانە جۆرە جیاکانى گۆشت دەخۆن زیاتر دووچارى زیادبوونى تووشبوونى نەخۆشى شەکرەیان تێدا بەدیدەکرێت بەڕێژەى %٢٩ بەبەراورد بەو کەسانەى کە سیستمى خۆراکى ڕووەکى پەیڕەو دەکەن.

کەمکردنەوەى تووشبوون بەشێرپەنجە، ڕێکخراوى تەندروستى جیهانى گۆشتە دروستکراوەکانى لەڕیزبەندى ئەو خۆراکانە دانەوە کە هۆکارن بۆ تووشبوون بە نەخۆشى شێرپەنجە،لەگەڵ گۆشتى بەرازى لەتکراو و شێوەى بەستڕمەیى، هاوشانى تیشکەکانى گاما و جگەرە، هەروەها پێناسەى گۆشتى سووریشى بەوە کردووە کە"لەوانەیە"هەڵگرى تایبەتمەندى تووشبوونى نەخۆشى شێرپەنجە بێت.

پاراستنى گەدە لەبەکتریا، لە توێژینەوەیەک کە لە زانکۆى سیتى لەشارى نیویۆرک ئەنجامدراوە، دەرکەوتووە کە ئەو کەسانەى کە خواردنى ڕووەکى دەخۆن توانایەکى بەرگریان هەیە لەبەکتریاى گەدە بەبەراورد بەو کەسانەى کە گۆشت خۆرن.

هەستێکى باشتر لەدواى ئەنجامدانى ڕاهێنانە وەرزشیەکان، لەکاتى هەستکردن بەئازارەکانى ماسولکە لەدواى ئەنجامدانى وەرزش، ئەو ئازارە بەهۆى ئەو سیستمە خۆراکیەیە کە گۆشتى تێدایە چونکە بوونى پڕۆتینى قورس لەوانەیە ببێتە کەلەکەبوونى پاشماوەیى وەک ترشى یۆریک لەماسولکەکان، هەروەها هەستکردن بەوەى کە لەبارودۆخێکى باشتردایت بەشێوەیەکى گشتى و تەندروستیەکى باشتر و خۆشحاڵتر.

نووسراوه‌ له‌لایه‌ن
Naro Queen