Top Ad unit 728 × 90

ڕێكلامی بازرگانی (5000 / مانگانه‌)

رونکردنەوەیەک لە وەزارەتی خوێندنی باڵاوە دەربارەی کارابوونی زانکۆلاین

له‌ راگه‌یاندراوێكى وه‌زاره‌تى خوێندنى باڵا و توێژینه‌وه‌ى زانستى هه‌رێم، هۆكارى كارانه‌بوونى زانكۆلاین بۆ بایكۆتى ده‌وامى مامۆستایان و فه‌رمانبه‌رانى خوێندگاكانى سنوورى سلێمانى و هه‌ڵه‌بجه‌ ده‌گه‌ڕێنێته‌وه‌.

ئه‌مڕۆ پێنجشه‌ممه‌ 6ى ئه‌یلولى 2016، وه‌زاره‌تى خوێندنى باڵاو توێژینه‌وه‌ى زانستى حكومه‌تى هه‌رێم له‌ راگه‌یاندراوێكدا كه‌ وێنه‌یه‌كى بۆ دواڕۆژ نێردراوه‌، هۆكارى كارانه‌بوونى زانكۆلاین بۆ بایكۆتى ده‌وامى مامۆستاو فه‌رمانبه‌رانى خوێندگاكانى سلێمانى هه‌ڵه‌بجه‌ ده‌گه‌ڕێنێته‌وه‌.

له‌ به‌شێكى راگه‌یاندراوه‌كه‌دا، ئاماژه‌ به‌وه‌كراوه‌ به‌ هۆى ده‌وامنه‌كردنى مامۆستاو فه‌رمانبه‌ران تائێستا نه‌توانراوه‌  ناوى بەکارهێنەرو وشەى تێپەڕ (یوزەر نەیم و پاسۆرد) بگەیەنرێتە خوێندکاران و قوتابیان، ئەوەش بۆتە هۆى دواکەوتنى ڕاگەیاندن و کاراکردنى زانکۆلاین بۆ دەرچوانى 12ى ئامادەیى.

له‌كۆتایى راگه‌یاندراوه‌كه‌دا، ئاماژه‌ به‌وه‌كراوه‌ ئێستا هه‌ردوو وه‌زاره‌تى خوێندنى باڵاو وه‌زاره‌تى په‌روه‌رده‌ى سه‌رقاڵى ئه‌وه‌ن بەڕێگەى ئەلیکترۆنى بەکارهێنەرو وشەى تێپەڕ (یوزەر نەیم و پاسۆرد) بگەیەنرێتە خوێندکاران و قوتابیانى 12ى ئامادەیى.

ئه‌مه‌ى خواره‌وه‌ ده‌قى راگه‌یاندراوه‌كه‌ى وه‌زاره‌تى خوێندنى باڵایه‌:وەزارەتى خوێندنى باڵا و توێژینەوەى زانستى ئاگادارى دەرچوانى قۆناغى دوانزەى ئامادەیى دەکات کە سەرجەم کارەکانى پەیوەست بە قۆناغەکانى کاراکردنى زانکۆلاین ئامادەیە، بەڵام هۆکارى دواکەوتنى کاراکردنى زانکۆلاین دەگەڕێتەوە بۆ ئەوەى ژمارەیەکى زۆر لە خوێندنگەو قوتابخانەکانى سنوورى هەردو پاریزگاى سلێمانى و هەڵەبجەو چەند شوێنێکى دیکە دەوام نیە و مامۆستایان و فەرمانبەران دەوام ناکەن و بایکۆتى دەوامیان کردوە، بۆیە نەتوانراوە تائێستادا ناوى بەکارهێنەرو وشەى تێپەڕ (یوزەیەر نەیم و پاسۆرد) بگەیەنرێتە خوێندکاران و قوتابیان. ئەوەش بۆتە هۆى دواکەوتنى ڕاگەیاندن و کاراکردنى زانکۆلاین بۆ دەرچوانى دوانزەى ئامادەیى.

هەر لەو چوارچێوەیەدا لە ئێستادا هەردو وەزارەتى خوێندنى باڵا و توێژینەوەى زانستى و وەزارەتى پەروەردە سەرقاڵى ئەوەن بە ڕێگەیەکى دیکە بەتایبەت بەڕێگەى ئەلیکترۆنى بەکارهێنەرو وشەى تێپەڕ (یوزەیەر نەیم و پاسۆرد) بگەیەنرێتە خوێندکاران و قوتابیانى دوانزەى ئامادەیى.  بۆ ئەوەى دەست بەکارەکانى زانکۆلاین بکرێت. كە هۆکارى نەگەیشتنى ناوى بەکارهێنەرو وشەى تێپەڕ (یوزەیەر نەیم و پاسۆرد) دەگەڕێتەوە بۆ بایکۆتکردنى خوێندنگەو قوتابخانەکان لەلایەن مامۆستایان و فەرمانبەرانى سنورى پارێزگاى سلێمانى و هەڵەبجەو چەند شوێنێکى دیکە.

رونکردنەوەیەک لە وەزارەتی خوێندنی باڵاوە دەربارەی کارابوونی زانکۆلاین Reviewed by k on 2:01:00 م Rating: 5

ليست هناك تعليقات:

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.