Top Ad unit 728 × 90

ڕێكلامی بازرگانی (5000 / مانگانه‌)

ئه‌ڤ ساله‌ 900 قوتابخانه‌یێن سه‌ره‌تایی ل دهۆك بوونه‌ ئینگلیزی



رێڤه‌به‌رێ گشتیێ په‌روه‌ردا پارێزگه‌ها دهۆك ب وه‌كاله‌ت ئاماژه‌ی ب هندێ دده‌ت كو؛ "پار 42 قوتابخانه‌یێن سه‌ره‌تایی ل سنۆرێ پارێزگه‌ها دهۆك بۆ سالا خواندنا ئێكێ خواندن تێدا ببوو ئینگلیزی لێ ئه‌ڤ ساله‌ ئه‌ڤ هه‌ژماره‌ گه‌هشته‌ 900 قوتابخانه‌یان".

عومه‌ر عه‌لی تاها  رێڤه‌به‌رێ گشتیێ په‌روه‌ردا پارێزگه‌ها دهۆك بۆ دواڕۆژ زه‌لالكر كو؛ "پار ل هه‌موو باغچه‌یێن زارۆیان وانه‌ بووینه‌ ئینگلیزی و بۆ ئه‌ڤ ساله‌ پترییا قوتابخانه‌یێن سه‌ره‌تایی بۆ سالا ئێكێ یا خواندنێ وانه‌یێن وان بووینه‌ ئینگلیزی و رێژه‌یا پێدڤییا پرتووكان ژی بۆ ڤێ مه‌ره‌مێ هاتینه‌ چاپكرن و رێژه‌یه‌ك ژ پرتووكێن سالا چۆیی ژی دێ مفا ژێ هێنه‌ وه‌رگرتن".

رێڤه‌به‌رێ گشتیێ په‌روه‌ردا پارێزگه‌ها دهۆك لدۆر پرۆسه‌یا به‌لاڤكرنا پرتووكان ژی خویاكر كو؛ "رۆژانه‌ رێژه‌یه‌كا پرتووكان دهێنه‌ كۆگه‌هێن په‌روه‌رده‌یێ ل سنۆرێ پارێزگه‌ها دهۆك  و هه‌ر ئێكسه‌ر دهێنه‌ به‌لاڤكرن، ئانكو پرۆسه‌یا به‌لاڤكرنا پرتووكان به‌رده‌وامه‌ لێ چونكو هه‌موو پرتووك ب ئێكجار ژ وه‌زاره‌تێ بۆ دهۆك نه‌هاتینه‌ ڤه‌گوهاستن له‌وا رۆژانه‌ پرتووك دگه‌هنه‌ دهۆك و پاشی لسه‌ر قوتابخانه‌یان دهێنه‌ به‌لاڤكرن".

بۆ ئه‌ڤ ساله‌ نێزیكی 490 هزار قوتابی ل پارێزگه‌ها دهۆك دناڤ 1604 قوتابخانه‌یان دێ ده‌ست ب خواندنێ كه‌ن و نێزیكی 27737 مامۆستا لسه ر میلاكێ ریڤه‌به‌ییا گشتییا په‌روه‌ردا دهۆك دێ وانه‌یان ل ڤان قوتابخانه‌یان بێژن.


ئه‌ڤ ساله‌ 900 قوتابخانه‌یێن سه‌ره‌تایی ل دهۆك بوونه‌ ئینگلیزی Reviewed by k on 5:24:00 م Rating: 5

ليست هناك تعليقات:

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.