نێزيك دێ رێنمايين نوى سه‌باره‌ت ڤه‌گوهاستنا ماموستايان ده‌ركه‌ڤن
ل روژا دووشه‌مبى رێكه‌فتى 22/8/2016 كومبونا ئاسايى يا رێڤه‌به‌ريا گشتى يا په‌روه‌ردا پارێزگه‌ها دهوكێ ل كوچكا رێڤه‌به‌ريا گشتى ب ئاماده‌بونا به‌ڕيز عمر علي تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ ب وه‌كاله‌ت وهه‌ردوو هاريكارێن رێڤه‌به‌رێ گشتى و هه‌مى رێڤه‌به‌رێن په‌روه‌ردێن قه‌زا و رێڤه‌به‌رێ سه‌رپه‌رشتيا په‌روه‌رده‌يى ودلنيا جورى هاته كرن .
دكومبونێ دا به‌رێز رێڤه‌به‌رێ گشتى يێ په‌روه‌ردێ په‌سنا رولێ رێڤه‌به‌رێ گشتى يێ به‌رێ به‌رێز عبد يوسف احمد وئه‌و خزمه‌تا كرى بو ماوي نێزيك 40 سالان وداخوازا ژيێه‌كێ درێژ وژيانه‌كا به‌خته‌وه‌ر بو خواست .
هه‌ر دكومبونێ دا به‌ڕيز رێڤه‌به‌رێ گشتى يێ په‌روه‌ردێ ب وه‌كاله‌ت رژدى لسه‌ر كارى و پێگيرييه‌كا تمام ب ده‌وامێ و خو ئاماده‌كرن بو سالا نوى يا خواندنێ 2016/2017 هاته كرن . هه‌ر دكومبونێ دا به‌ڕيز عمر علي تاها دا ديار كرن كو سالا نوى يا خواندنێ دێ ل ده‌مێ خو يێ ده‌ست نيشانكرى ده‌ستپێكه‌ت وئه‌و ژى دا خوياكرن كو پشته‌ڤانێن داخوازيين ماموستاينه بو خوشكرنا ژين وژيارا وان .
هه‌ر دكومبونێ به‌رێز رێڤه‌به‌رێ گشتى دا دياركرن كو وه‌زيرێ په‌روه‌ردێ دكومبونا وه‌زاره‌تا په‌روه‌ردێ دا ده‌ست خوشى ل كارێ رێڤه‌به‌ريا گشتى يا په‌روه‌ردا پارێزگه‌ها دهوكێ كريه و ب تايبه‌ت سه‌رپه‌رشيارێن ب كارێ سه‌رپه‌رشتى وب دوويڤ چونا پروسا ئه‌زموونێن خولا ئيكێ كرى ژبه‌ر رێك وپيكيا كارێ وان دده‌مێ ئه‌نجامدانا ئه‌زموونان دا .
هه‌ر دكومبونێ دا هاته دياركرن كو ل ڤان نێزيكان دێ كونفرانسه‌ك دناڤبه‌را وه‌زاره‌تا خواندنا بلند ووه‌زاره‌تا په‌روه‌ردێ دا هێته كرن سه‌باره‌ت چه‌وانيا وه‌رگرتنا قوتابيان ل كوليژ وپه‌يمانگه‌هان .
ته‌وه‌رێ گرنكێ كومبونێ بابه‌تێ ڤه‌گوهاستنا ماموستايان بو وبريار هاته دان كو ل كومبونا روژا چوارشه‌مبى رێكه‌فتى 31/8/2016 رێكار ورينمايين نوى بو ڤه‌گوهاستنا ماموستايان ده‌ربچن و پروسا ڤه‌گوهاستنێ لدويف دا ده‌ست پێبكه‌ت .
هه‌ر دكومبونێ دا به‌رێز عمر على تاها دا دياركرن كو رێنمايين نوى سه‌باره‌ت بابه‌تێ گهورينا ناڤ ونيشان ژ فه‌رمانبه‌ريێ بو ماموستا دێ ده‌ركه‌ڤن و وه‌زاره‌تا په‌روه‌ردێ مژويلى دانانا رێنماێن نوى يه ، ديسان دكومبونێ به‌حسێ ئاريشا وه‌رگرتنا قوتابيان ب تايبه‌ت ل قوتابخانێن نموونه‌يى هاته كرن و لدويف رێنما هاته دياركرن كو قوتابى ل هه‌مى قوتابخانا بى جوداهى چي نموونه‌يى بيت يان قوتابخانه‌كا ئاسايى بيت دێ لدويف سنورێ خو يێ جوگرافى كو بو هاتيه ده‌ست نيشانكرن دێ وه‌رگريت و كور وكچێن شه‌هيدان بێ مه‌رج دێ هێنه وه‌رگرتن چێ قوتابخانا بڤێت ، هه‌ر وه‌سا ئه‌و قوتابيێن نه‌خوشيێن گران هه‌ى ئه‌و ژى بێ مه‌رج دێ هێنه ورگرتن . ديسان دكومبونێ دا هاته دياركرن كو سيفه‌تێ نموونه‌يى ب تنێ ل قوناغا ئاماده‌يه هه‌يه وقوتابخانێن بنه‌ره‌ت سيفه‌تێ نممونه‌يه نه‌مايه وهه‌مى قوتابخانێن بنه‌ره‌ت ئاساينه ول دويف سنورێ خو يێ جوگرافى دێ قوتابيان وه‌رگرن .
ديسان دكومبونێ دا بريار هاته دان كو ل روژا چوارشه‌مبيا بهێت ريكه‌فتى 31/8/2016 كومبونه‌كا تايبه‌ت سه‌باره‌ت دانانا رێكار ورينمايێن نوى سه‌باره‌ت ڤه‌گوهاستنا ماموستايان بهێته كرن .
http://www.perwerdagduhok.net/
The post نێزيك دێ رێنمايين نوى سه‌باره‌ت ڤه‌گوهاستنا ماموستايان ده‌ركه‌ڤن appeared first on رێڤەبەریا پەروەردا قەزا دهوك روژئاڤا.
نووسراوه له‌لایه‌ن
azad nisry
Reviewed by Unknown
on
1:16:00 م
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: