Top Ad unit 728 × 90

ڕێكلامی بازرگانی (5000 / مانگانه‌)

یه‌كێك له‌ خوێندكاره‌ یه‌كه‌مه‌كان چیرۆكى سه‌ركه‌وتنى ئاشكراده‌كات

ئه‌مڕۆ سێشه‌ممه‌، 12ى ته‌مووز ئه‌نجامى تاقیكردنه‌وه‌كانى پۆلى نۆ و 12ى ئاماده‌يى ڕاگه‌یه‌نرا و ڕۆشنا عه‌لى سەعید یه‌كێك بوو له‌و خوێندكارانه‌ى كه‌ به‌به‌ده‌ستهێنانى كۆنمره‌ى 696 توانى ببێته‌ یه‌كێك له‌ یه‌كه‌مه‌كانى به‌شى زانستى.

ڕۆشنا چیرۆكى خۆى بۆ دواڕۆژ باسكرد وتى "له‌دواى ماندبوونێكى زۆر سوپاس بۆ خوا توانیم ئه‌و نمره‌یه‌ به‌ده‌ستبهێنم كه‌ چاوه‌ڕێى بووم، ڕاسته‌ زۆر ماندووبووم، به‌ڵام ئێستا ئه‌وه‌نده‌ دڵخۆشم كه‌ هه‌موو شتێكم بیرچووه‌ته‌وه‌".

ڕۆشنا له‌باره‌ى كاته‌كانى سه‌عیكردنى و شێوازى ژیانى وتى "من له‌ خوێندنگاى ده‌ربه‌ندیخانى نمونه‌يى پۆلى 12م به‌ڕێكرد، هه‌رچه‌نده‌ ئه‌وه‌ ته‌نها بۆ پۆلى 12 بووم پێشتر له‌ خوێندنگاى تر خوێندوومه‌، به‌ڵام ئه‌مساڵ به‌هۆكارێك ناچاربووم بچمه‌ ئه‌و خوێندنگایه‌، هه‌رگیزیش مامۆستاى تایبه‌تم نه‌بووه‌ و باوه‌ڕیشم پێى نیه‌، چونكه‌ ئه‌وه‌ى خۆت ده‌ته‌وێت خۆت ده‌یزانیت و پێویسته‌ هه‌وڵى بۆ بده‌يت نه‌وه‌ك پشت به‌ كه‌سانى تر یان پاره‌ ببه‌ستیت بۆ بەدەستهێنانی".

ڕۆشنا له‌باره‌ى خه‌ونى داهاتویه‌وه وتى "من به‌شێكى دیاریكراوم دانه‌ناوه‌، به‌ڵام خه‌ونم ئه‌وه‌یه‌ ببمه‌ كه‌سێك كه‌ سوودم بۆ وڵاته‌كه‌م هه‌بێت و وڵاته‌كه‌م به‌ره‌و پێشم به‌رم، ئه‌وه‌ هه‌موو شتێكه‌ بۆ من جا پیشه‌كه‌م هه‌رچى بێت".

ڕۆشنا جیاواز له‌ خوێندكاره‌كانى تر سوپاش ده‌وروبه‌ره‌كه‌ى ده‌كات و ده‌ڵێت "سه‌ره‌تا سوپاسى مامۆستاكانم ده‌كه‌م، پاشان دایك و باوكم، چونكه‌ ئه‌وان هێنده‌ى دایك و باوكم چاكه‌یان به‌سه‌رمه‌وه‌ هه‌یه‌ و كاریان بۆ گه‌یشتنم به‌م ڕۆژه‌ كردووه‌، ئه‌مه‌ جگه‌ له‌ خێزانه‌كه‌م كه‌ له‌ منداڵیمه‌وه‌ وه‌ك كێوێك هه‌میشه‌ له‌ پشتم وه‌ستاون".

رۆشنا له‌دایكبووى ساڵى 1998ه‌و خوێندكارى خوێندنگاى ده‌ربه‌ندیخانى نمونه‌ییه‌ و جگه‌ له‌ زمانى كوردى، زمانى ئینگلیزى به‌ باشى ده‌زانێت و، وه‌رزشكردن به‌ گشتى و وه‌رزشى باله‌ به‌ تایبه‌تى یه‌كێكه‌ له‌ خولیاكانى، ئه‌و به‌ به‌ده‌ستهێنانى كۆنمره‌ى 696 توانى ببێته‌ دووه‌مى به‌شى زانستى له‌سه‌ر ئاستى هه‌رێمى كوردستان.

یه‌كێك له‌ خوێندكاره‌ یه‌كه‌مه‌كان چیرۆكى سه‌ركه‌وتنى ئاشكراده‌كات Reviewed by k on 9:36:00 م Rating: 5

ليست هناك تعليقات:

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.